{*titulo}

O 10 de xuño é o Día da Seguridade Viaria, e o Concello de Santiago vaino celebrar ao longo de toda a semana con distintas actividades. O concelleiro de Medio Ambiente e Convivencia, Xan Duro, e a responsable de Educación Viaria da Policía Local, Diana Parente, presentaron hoxe o programa, que quere concienciar á poboación máis nova da importancia de actuar de xeito seguro e responsable, como condutor, como peón ou como usuario de bicicletas.

O Centro de Interpretación Ambiental de Compostela celebra este mes de xuño o Día do Medio Ambiente (5 de xuño). Por isto, ademais das actividades habituais, o CIAC organiza unha xincana especialmente preparada para público familiar (nenos e nenas e nenos maiores de 8 anos), coa que descubrir Compostela dende unha perspectiva ambiental.

Catrocentos escolares de toda España, de idades comprendidas entre os 5 e os 13 anos, participarán este sábado 4 de xuño no VII Campionato Nacional Aloha Mental Arithmetic, que terá lugar en Santiago de Compostela. O evento está organizado por Aloha Mental Arithmetic en colaboración co Departamento de Educación e Cidadanía.

A concelleira de Desenvolvemento Económico, Marta Lois, presentou a cuarta edición do Concurso de Proxectos de Publicidade Comercial en Galego, que pretende ser un incentivo para a galeguización da comunicación entre empresas ou establecementos comerciais e o público, así como servir de recurso para promover a calidade e a creatividade na comunicación. Haberá dous premios de 5.000 euros para a execución dos proxectos gañadores.

A Escola de Altos Estudos Musicais (EAEM), con sede en Santiago de Compostela, organiza unha nova edición do Curso de Especialización Instrumental 2016-2017. O prazo de inscrición para os aspirantes remata o 10 de xuño.

Finalizado o período de preinscrición para novo alumnado da Escola Municipal de Música para o curso 2016-2017, vén de publicarse a lista de admitidos provisionais.

A Sala Ángel Brage do Auditorio de Galicia acolleu este domingo a XI edición do certame intercentros Compostela en danza, unha experiencia de dinamización cultural que achega o mundo da danza aos escolares de entre 3 e 18 anos. Nesta edición participaron 207 bailaríns e bailarinas, que deleitaron ao público que encheu o recinto.

A praza do Obradoiro acolleu unha concentración para condenar o último asasinato machistas, que deixou onte unha vítima en Mallorca.

O 5 de xuño celébrase o Día Mundial do Medio Ambiente e o Concello de Santiago ten preparado un amplo programa de actividades para conmemoralo. O concelleiro de Medio Ambiente e Convivencia, Xan Duro, presentou hoxe as accións previstas, que se desenvolverán en colaboración con Viaqua, Ecovidrio, Ferrovial, o Centro de Interpretación Ambiental de Belvís e o Museo de Historia Natural da Universidade de Santiago.

O alcalde de Santiago, Martiño Noriega, recibiu a decana da Facultade de Matemáticas, Victoria Otero Espinar.