{*titulo}

O segundo tenente de alcalde, Jorge Duarte, achegouse esta mañá á Alameda para participar na inauguración da Feira do Libro. Alí estivo acompañado do vicepresidente da Federación de Libreiros, Antón Pedreira; do secretario de Normalización Lingüística, Valentín García; e da vicepresidenta da Deputación da Coruña, Goretti Sanmartín, entre outros concelleiros e concelleiras da Corporación compostelá.

A Xunta de Goberno acordou hoxe iniciar os trámites para a adxudicación do servizo para a posta en marcha dos orzamentos participativos para o ano 2017. O expediente resolverase mediante procedemento negociado sen publicidade, e conta cun tipo de licitación de 59.945,72 euros. O alcalde insistiu en que "os orzamentos participativos permitirán que a cidadanía interveña na toma de decisións sobre o destino dunha parte dos fondos municipais".

Fomentar a autonomía viaria das persoas con discapacidade, facilitar a súa integración e, sobre todo, favorecer a súa seguridade, son os obxectivos dos programas de educación viaria da Policía Local dirixidos a estes colectivos. Esta semana, no marco do programa Vivimos as mesmas realidades, puxéronse en práctica os contidos traballados previamente nas clases dos centros de educación especial Down Compostela, CEE López Navalón e Aspas.

A concelleira de Políticas Sociais. Concha Fernández, participou con ducias de nenos e nenas no acto de celebración da Semana da Acción Social pola Educación, realizado na praza da Quintana.

SantYaGo10K, a carreira nocturna de Santiago de Compostela, introduce este ano novos premios para os grupos máis numerosos que cheguen á meta na praza do Obradoiro. Haberá dous premios para estes grupos de corredores populares: un para o grupo non federado con maior número de participantes que cheguen á meta, e outro especial para o grupo non federado con maior número de particiantes femininas. En ambos casos, o premio será de 150 euros.

Finalizado o prazos de renovación de praza do alumnado actual da Escola Municipal de Música para o curso 2016-2017, veñen de publicarse das prazas vacantes e a apertura dos prazos de preinscrición para o novo alumnado.

A veciñanza de Santiago poderá gozar dos concertos de Davide Salvado + Batida, do venres 6 de maio, e de Soleá Morente + WAS (We are Standard), do sábado 7 de maio, de maneira gratuíta. Así, todos os concertos da praza da Quintana, en particular, e toda a programación das Festas da Ascensión, en xeral, será de balde.

O Concello de Santiago facilita a celebración da Feira do Libro, aínda que, atendendo ás inquedanzas do sector, reformula a súa cooperación para este ano 2016.

A concelleira de Acción Cultural, Branca Novoneyra, presentou este venres un curso de iniciación de Dj que se celebrará durante os venres de maio e xuño no Centro Sociocultural de Conxo. Esta actividade pretende ser o xerme dunha futura Escola de Dj.

Durante os sete días (do 18 ao 24 de abril) que durou a última campaña de vixilancia e control de velocidade nas estradas de Santiago, impulsada pola Dirección Xeral de Tráfico e posta en marcha pola Policía Local, foron inspeccionados 12.908 vehículos. Deles derivaron 118 infraccións por exceso de velocidade, o que representa o 2,82% del total.