{*titulo}

O alcalde de Santiago en funcións, Agustín Hernández, asistiu ao acto en lembranza de Ramón Piñeiro, no día do centenario do seu nacemento. A cerimonia incluíu o descubrimento dunha placa no número 15 da rúa Xelmírez, na casa onde onde o intelectual e político galeguista viviu dende os anos 50.

O Centro Sociocultural e Xuvenil Municipal do Ensanche acolleu a entrega de placas e dos discos gravados da VII edición do certame MúsicaXove, organizado pola Concellería de Xuventude e que contou coa colaboración da Dirección Xeral de Xuventude da Xunta de Galicia. Nesta edición participaron máis de 40 grupos musicais de toda Galicia.

A Xunta de Goberno aprobou a sinatura dun convenio de colaboración coa Deputación da Coruña para o financiamento do Plan de Competitividade Turística de Santiago de Compostela 2015. Ademais, encoméndase á empresa municipal Información e Comunicación Local, S.A. (INCOLSA) a xustificación da execución do convenio diante da Deputación, tendo en conta que esta empresa municipal xa ten encomendadas as accións incluídas nese Plan.

Na súa sesión ordinaria deste venres, a Xunta de Goberno aprobou a listaxe definitiva de admitidos, excluídos e de agarda nas escolas infantís municipais de Conxo, As Fontiñas e Meixonfrío-Salgueiriños para o curso 2015-2016.

A banda Ñu e a promotora que o xestiona veñen de comunicar á Concellería de Cultura que se cancela o seu concerto previsto na Sala Capitol o vindeiro 6 de xuño e que estaba dentro da programación do noso ciclo Compostela Rock. Vense na obriga de levar a cabo esta cancelación por cuestión técnicas da xira.

A programación cultural desta fin de semana ofrece seis espectáculos para elixir arredor do teatro, do humor, da música e do circo. O sábado teremos unha nova función de Saxo tenor co Teatro Nacional Dona Maria II, humor con Dani Mateo no ciclo Falabaratos e concerto do Compostela Rock con Agapornis e The Fabulous Resaca Brothers. Na xornada do domingo, concerto da Banda Municipal de Música na Alameda; espectáculo de danza acrobática da compañía Zen del Sur e concerto de Christian McBride dentro do ciclo Jazz 1906.

O Grupo de Cidades Patrimonio da Humanidade de España está a gravar estes días en Santiago un vídeo promocional, co fin de difundir por todo o mundo os atractivos de cada unha das 15 urbes que conforman o grupo, incluída Santiago de Compostela. Entre as imaxes elixidas como representativas da capital galega atópase a Real Filharmonía de Galicia. Onte xoves pola noite gravouse á orquestra no Auditorio de Galicia, durante a celebración do seu concerto semanal de abono.

Na sesión celebrada o día 28/05/14, a Xunta de Goberno da Cidade de Santiago de Compostela acordou aprobar as listaxes definitivas de admitidos, excluídos e listas de agarda nas Escolas Infantís Municipais de Conxo, Fontiñas e Meixonfrío-Salgueiriños para o curso 2015-2016.

O Concello de Santiago colabora un ano máis co XiraKarting, que chega á cidade este venres 29 de maio. Ata o domingo 31, os composteláns terán a oportunidade de pilotar un kart no circuíto situado en Salgueiriños. Ademais, nesta novena edición a oferta lúdica complétase coa celebración do Día Internacional da Familia, organizado polo Centro de Información á Muller (CIM). Na mesma localización do circuíto, durante a tarde do venres, haberá inchables, xogos, actividades e...

A concelleira de Desenvolvemento Urbano Sostible en funcións, Teresa Gutiérrez, xunto con membros do Refuxio de Animais, uniuse á celebración do Día do Can sen Raza, unha iniciativa promovida pola publicación 20 minutos. As actividades desenvolvéronse na praza do Toural entre as 11:30 e as 21:00 horas.