{*titulo}

O alcalde de Santiago, Martiño Noriega, deu conta dos asuntos tratados na Xunta de Goberno, como a concesión da licenza para as obras de ampliación do CEIP de Roxos. Ademais, aprobáronse as bases das subvencións para as asociacións veciñais e para o deporte federado.

O alcalde de Santiago, Martiño Noriega, e a concelleira de Políticas Sociais, Diversidade e Saúde, Concha Fernández, reuníronse coa Plataforma polo Emprego e co Foro da Inmigración.

Este venres finalizaron as Mañás de verán e de xogo, incluídas no programa Vive o verán, que durante todo o mes de xullo se desenvolveron nos centros socioculturais de Vite, Conxo, Santa Marta, Fontiñas, A Gracia e Nemenzo. Concluíu tamén o campamento infantil organizado pola Asociación de Veciños "Nova Xeira" de Figueiras no local sociocultural desta parroquia.

A Concellaría de Acción Cultural presenta para o mes de agosto unha programación que encherá de música, teatro, danza, maxia e circo dous espazos habituais para os composteláns, e emblemáticos para todos os que nos visitan: as prazas de San Martiño Pinario e a da Quintana. Unha variada oferta dirixida a todo o público que só se terá que preocupar de coller un bo sitio para ver os diferentes espectáculos, xa que todas as actividades son de balde. Os martes e xoves será na praza da Quintana e os...

Cun "benvidos á vosa casa" recibiu o alcalde, Martiño Noriega, no Pazo de Raxoi, a membros das asociacións veciñais e do Consello de Relacións Veciñais, con motivo dos fogos de fin de festa do Apóstolo. Con este acto, quixo simbolizar a vontade do Goberno local de "democratizar as festas", tal como sucedera tamén co pregón ou co reparto de convites para presenciar os Fogos do Apóstolo do 24 de xullo.

Uns 15 minutos de fogos artificiais pecharon as festas do Apóstolo máis diversas, descentralizadas e abertas. Foron 15 días de actividades, todas de balde, cunha participación masiva de composteláns e visitantes. Dende o punto de vista musical, o broche ás festas púxoo a Real Filharmonía de Galicia cun concerto na praza da Quintana ao que o público respondeu con entusiasmo e longos aplausos.

O alcalde de Santiago, Martiño Noriega, recibiu en Raxoi á embaixadora de Australia, Virginia Jane Greville, quen asinou no Libro de Honra.

A concelleira de Igualdade, Desenvolvemento Económico e Turismo, Marta Lois, asistiu no Hostal dos Reis Católicos á inauguración do IX Congreso Compostela Monumental "Turismo, Comercio, Europa, Innovación: 30 anos fortalecendo as áreas comerciais urbanas".

Os convites para que a cidadanía presenciase os pasados Fogos do Apóstolo iniciaron unha nova etapa na que o Goberno local quere abrir o espazo municipal e os seus actos aos veciños e veciñas. Nesta liña e con motivo dos fogos de fin de festa do Apóstolo, o alcalde, Martiño Noriega, e o resto da Corporación, recibirán mañá venres no Pazo de Raxoi a membros das asociacións veciñais e do Consello de Relacións Veciñais.

O alcalde compostelán, Martiño Noriega, e o concelleiro de Educación e Cidadanía, Manuel Dios, reuníronse con representantes da asociación Europa Laica, que nestes días participa nun curso de verán organizado pola Universidade de Santiago.