{*titulo}

A Real Filharmonía de Galicia celebra o seu 20º aniversario esta temporada, na que buscará un maior achegamento a novos públicos. Dentro deste propósito artellouse o ciclo Descobre unha orquestra para ti, a túa!, unha serie de seis concertos repartidos ao longo da temporada, nun horario máis accesible para o público familiar e a un prezo reducido. En cada unha destas actuacións, que se celebrarán os venres ou os sábados pola tarde, interpretarase unha selección das pezas máis populares do...

O alcalde de Santiago recibiu o embaixador de Venezuela, Mario Isea Bohórquez. O diplomático mantivo unha charla con Martiño Noriega e asinou no Libro de Honra.

O concelleiro de Educación e Cidadanía, Manuel Dios, deu a benvida a Santiago de Compostela a un grupo de alumnos e alumnas do colexio alemán Carl Benz Gymnasium, de Ladenburg, unha vila situada ao norte do Estado de Baden-Württemberg, no val do alto Rin.

O alcalde de Santiago e a conselleira de Medio Ambiente, Territorio e Infraestruturas visitaron esta mañá as obras do aparcamento disuasorio de Pontepedriña, uns traballos que está a executar a Xunta nuns terreos que lle foran cedidos ao Concello por ADIF. Martiño Noriega e Ethel Vázquez coincidiron en que este proxecto é unha boa mostra de que a colaboración entre institucións é beneficiosa para o conxunto da cidadanía.

O Concelleiro de Mobilidade, Jorge Duarte, acompañado do xerente de Tussa, José Ramón Mosquera, deu conta en rolda de prensa da nova versión 2.0 da App Máis Bus, que conta con dúas funcionalidades novidosas.

O concelleiro de Mobilidade, Jorge Duarte, fixo un balance das actividades celebradas durante a Semana Europea da Mobilidade. Comezaron coa exposición de vehículos eléctricos na praza Roxa, que serviu para achegar aos composteláns a tecnoloxía existente relacionada con este tipo de vehículos para plantexar un debate sobre un cambio de paradigma no eido da mobilidade.

O concelleiro de Medio Ambiente e Convivencia, Xan Duro, e a inspectora da Policía Local Diana Parente, reuníronse este martes coa ANPA e a dirección do CEIP Pío XII para darlles todos os detalles do proxecto Colecamiños, que o Concello vai poñer en marcha inicialmente neste colexio.

Martiño Noriega recibiu hoxe no Pazo de Raxoi ao alcalde de Val do Dubra, Antonio Negreira, dentro da rolda de contactos que está a manter cos rexedores da comarca de Compostela. Na reunión, os dous manifestaron o seu malestar polos atrasos que acumula a chamada Variante de Aradas, unha infraestrutura de vital importancia par aos dous municipios.

O concelleiro de Medio Ambiente, Xan Duro, mantivo hoxe unha xuntanza con Ferrovial, representantes do despacho de arquitectos AldayJover, e coa xerente e a arquitecta do Consorcio para poñer en común as reflexións sobre a maqueta de Plan Director de Parques e Xardíns entregado polo arquitecto Iñaki Alday.

O Concello de Santiago de Compostela recibiu o accésit ao Premio Nacional de Comercio Interior do ano 2015, que convoca anualmente o Ministerio de Economía e Competitividade para proxectos de revitalización comercial vinculados á rexeneración urbana.