{*titulo}

Case un cento de veciños e veciñas asistiron este venres no Centro Sociocultural do Castiñeiriño ao "Encontro ao vivo" para a área urbana sureste. Esta zona inclúe os barrios de Sar, Pontepedriña, Restollal, Lamas de Abade e Castiñeiriño.

A Xunta de Goberno acordou hoxe iniciar o procedemento de adxudicación das obras de ampliación do viario Cañoteira-Outeiro, na parroquia compostelá de Marrozos. A actuación ten un orzamento de máis de 380.000 euros, IVE incluído, procedente das obras do PAS 2015 da Deputación da Coruña. O alcalde, Martiño Noriega, resaltou a importancia deste proxecto "nunha parroquia con serios problemas de accesibilidade, relacionados coa presenza das vías do tren".

O Auditorio de Galicia acolle este domingo 30 de abril, ás 19:30 horas, un espectáculo de danza a cargo de Torre de Babel, que busca a integración das persoas con discapacidade. O evento enmárcase ademais na celebración do Día Mundial da Danza, que se celebra o 29 de abril.

A Feira do Libro abrirá este sábado as súas portas no paseo central da Alameda de Santiago, e poderase visitar ata o próximo 7 de maio. A tenente de alcalde, María Rozas; o secretario xeral de Cultura, Anxo Lorenzo; e o vicepresidente da Federación de Libreiros de Galicia, Antón Pedreira, presentaron hoxe a 36ª edición desta cita, que leva por lema "A ledicia de ler", en homenaxe ao autor ao que este ano se lle dedica o Día das Letras Galegas, Carlos Casares.

O campo de fútbol do Sergas acollerá o vindeiro luns 1 de maio, en horario de mañá e tarde, a segunda xornada da I Copa Gallaecia de Futfem en categoría infantil. Así o anunciaron esta mañá a concelleira de Deporte, Noa Morales; o vicepresidente da Federación Galega de Fútbol, Javier García, e a coordinadora da sección feminina do club, Maribel Rial.

A Xunta de Goberno aprobou hoxe a memoria xeral de actividades das Festas da Ascensión 2017, cun orzamento dalgo máis de 200.000 euros. O alcalde, Martiño Noriega, explicou que a programación "seguirá na liña dos últimos anos, apostando pola descentralización e por actividades para públicos de distintas idades".

A programación cultural da fin de semana está protagonizada polas diferentes actuacións coas que se celebra en Compostela o Día Internacional da Danza. O calendario complétase con varias propostas musicais. As entradas poderán mercarse cos descontos habituais no despacho de billetes do Teatro Principal, en entradas.abanca.com ou no 902 434 443.

A asturiana Lorena Álvarez, a rapaza de San Antolín á que cantou Nacho Vegas, e a súa Banda Municipal serán os invitados da banda compostelá Atrás Tigre na segunda sesión de Compostela Conversa, un novo ciclo da Concellaría de Acción Cultural que reúne a artistas con vínculos comúns nun irrepetible concerto dobre. Ambas bandas dialogarán sobre os fíos invisibles que as unen, como o "tradicional sexy", as musas, o pobo e a cidade, o costumbrismo, o humor o surrealismo e...

A concelleira de Deporte, Noa Morales, e o presidente da sección de montaña do Club Deportivo Fontiñas, Iñaki Bilbao, deron a coñecer esta mañá os detalles da XIV Andaina dos 50 quilómetros de Santiago de Compostela, que se celebrará o vindeiro sábado, 6 de maio. A proba está incluída na Copa de Andainas de 50 km da Federación Galega de Montañismo.

No marco das actuacións que o Consorcio de Santiago leva a cabo no patrimonio do termo municipal, e moi estreitamente relacionado coa cidade histórica e os Camiños de Santiago, vai intervir na igrexa de Santa Cristina de Fecha, situada na parroquia homónima. O organismo interadministrativo acaba de sacar a obra a concurso, por un orzamento global de 27.291,05 euros. As empresas interesadas deberán presentar as súas propostas ata o vindeiro 22 de maio.