{*titulo}

A primeira tenente de alcalde, María Rozas, deu a coñecer en rolda de prensa o número de marzo de Compostelánea, a publicación municipal que informa da ampla oferta cultural e de ocio de Santiago. Trátase do oitavo número desta revista mensual, que naceu no pasado mes de xullo co gallo de ofrecer a habitantes e visitantes de Santiago de Compostela unha guía práctica da programación cultural e turística compostelá.

O Consorcio de Santiago acaba de adxudicar a obra de eliminación de barreiras arquitectónicas no lousado da rúa de San Francisco, por un importe global de 10.196,72 euros á empresa Actividades de Construcción, Edificación y Viales, S.L. (ACEVI). O prazo previsto de execución das obras é de cinco semanas.

En marzo chega a primavera e, para darlle a benvida, no Centro de Interpretación Ambiental de Compostela (CIAC) celebrarán o Día da Árbore cun obradoiro e unha ruta. A programación completarase co habitual roteiro mensual e cunhas xornadas sobre a "Auga en Compostela", en colaboración con Viaqua.

A xente de Compostela botouse á rúa para presenciar e vivir a edición 2017 do desfile do martes de Entroido, que contou coa participación no concurso de sete carrozas, quince comparsas, nove grupos, catro parellas e once disfraces individuais. A todos eles sumáronse as numerosas persoas, pequenas e maiores, que se disfrazaron este día para vivir o desfile.

A concelleira de Deporte, Noa Morales, presentou esta mañá o partido que enfrontará as seleccións absolutas de fútbol sala feminino de Galicia e Cataluña. O Trofeo Cenor – Camiño de Santiago celebrarase o martes 7 de marzo, ás 20:30 horas, no Polideportivo de Santa Isabel.

Centos de persoas participarán mañá no desfile do martes de Entroido, a cita máis importante do Carnaval de Santiago. A súa saída está prevista para as 17:30 horas, dende a estación do ferrocarril, para rematar na avenida de Xoán Carlos I. Logo, a partir das 21:00 horas, na Sala Capitol, celebrarase a entrega de premios, que se manteñen nas contías do ano pasado. Así, haberá galardóns nas categorías de carrozas, comparsas, grupos, parella, disfrace individual, e premios especiais para a...

O alcalde de Compostela, Martiño Noriega; o director de Agadic, Jacobo Sutil; e Quico Cadaval presentaron esta mañá a estrea en Compostela de A cabeza do dragón, a primeira representación teatral dunha obra de Valle-Inclán en galego. Producións Teatrais Excéntricas presenta esta fábula, que poderemos ver por primeira vez no Teatro Principal os días 3, 4, 5, 9, 10 e 11 de marzo ás 20:30 horas, nun dos eventos culturais máis relevantes do 2017 no país.

O Centro Sociocultural das Fontiñas acolleu esta mañá o primeiro Encontro ao vivo organizado polo Goberno local para completar os procesos de participación que ten impulsados e para render contas de xeito directo coa veciñanza.

Santiago inaugura mañá a celebración do Entroido, co tradicional desfile do Meco. A comitiva partirá ás 20:00 horas da praza de Cervantes, acompañada polas comparsas Os Conformistas de Conxo e A Ruliña de Laraño. Á súa chegada á praza do Toural, o Meco será instalado no balcón do Pazo de Bendaña para vixiar dende alí como transcorren as celebracións do Carnaval.

A Xunta de Goberno aprobou hoxe o proxecto básico e de execución para a repavimentación da avenida de Vilagarcía, no tramo comprendido entre as avenidas de Rosalía de Castro e Romero Donallo. O orzamento para as obras é de 496.733,51 euros, IVE incluído.