{*titulo}

O alcalde de Santiago, Martiño Noriega, reuniuse en Raxoi co embaixador de Turquía en España, Ömer Önhon, quen acudiu á cita acompañado do cónsul honorario deste país na Coruña, Francisco Peleteiro.

O concelleiro de Educación e Cidadanía, Manuel Dios, presentou esta mañá o Plan de Obras que se acometerá durante o verán nos centros públicos de Santiago. En total, o Concello de Santiago destinará 150.000 euros para o plan de obras de verán, que se complementarán con máis dun millón de euros da Consellería de Educación para levar a cabo obras maiores dos centros, cuxa competencia é autonómica. Ademais investiranse arredor de 60.000 euros na mellora de varios parques...

A concelleira de Igualdade, Desenvolvemento Económico e Turismo, Marta Lois, presentou unha nova acción municipal para dinamizar as rúas de Santiago durante o verán, e nomeadamente no mes "grande" da cidade, o mes de xullo, mediante elementos decorativos que se instalarán en dous puntos representativos tanto do Ensanche como do Casco Histórico: a costa da Camelia (Santo Domingo da Calzada) e o encontro das rúas Orfas, Caldeirería, Cardeal Payá e Tras Salomé.

O alcalde de Santiago, Martiño Noriega, presidiu este mediodía o acto de homenaxe ao profesorado e aos directores dos centros de ensino de Compostela que se xubilan este ano. Foi nun acto no Salón Nobre do Pazo de Raxoi, no que participaron centros de ensino público, privado e concertado, así como representantes dos catro grupos da Corporación municipal.

O alcalde de Santiago participou esta tarde na visita organizada polo Ministerio de Fomento para coñecer a marcha de tres proxectos nos que está traballando o Goberno central na nosa cidade. O percorrido comezou no túnel de Conxo. Alí, Martiño Noriega amosou a súa satisfacción por comprobar que unha obra que trouxo moitas preocupacións a Compostela por fin colleu bo ritmo e vai chegar ao seu fin. O rexedor tamén lle agradeceu á ministra de Fomento, Ana Pastor, que se atenderan as demandas da veciñanza e do propio...

O alcalde de Santiago, Martiño Noriega, asistiu esta tarde ao Palacio de Congresos para participar do acto "A ponte entre o ensino medio e a Universidade" que cada ano organiza a USC e que presidiu o reitor, Juan Viaño.

A Fundación Refuxio de Animais de Bando organiza o próximo sábado 2 de xullo a sétima edición do MiniCanmiño, unha singular peregrinación que ten como obxectivo concienciar á cidadanía sobre o abandono de animais.

O alcalde de Santiago, Martiño Noriega, recibiu o embaixador británico en España, Simon Manley.

O martes pola tarde quedou constituído o grupo motor que dirixirá o proceso de orzamentos participativos para o 2017. Na primeira xuntanza participaron 70 persoas, entre colectivos veciñais, tecido asociativo, partidos políticos (que conforman o Consello de Relacións Veciñais) e cidadáns e cidadás a título individual.

A praza do Obradoiro acolleu unha concentración na que se gardou un minuto de silencio polo atentado acontecido onte no aeroporto de Estambul.