{*titulo}

A concelleira de Igualdade, Marta Lois, acompañada dos concelleiros de Medio Rural e de Mocidade, Rafael Peña e Noa Morales, presentaron esta mañá as actividades que organiza o Concello con motivo do 8 de marzo, Día Internacional das Mulleres.

O concelleiro de Educación e Cidadanía, Manuel Dios, deu conta hoxe da apertura do prazo para solicitar praza nas escolas infantís municipais de Salgueiriños-Meixonfrío, Conxo e Fontiñas.

A Policía Local formulou un total de 17 denuncias no marco da campaña de control de transporte escolar desenvolvida a pasada semana. Os/as axentes inspeccionaron 38 vehículos de 14 centros escolares.

A Xunta de Goberno aprobou hoxe, nunha sesión extraordinaria, o inicio de licitación da Fase I das obras de reurbanización das rúas Patio de Madres e Castrón Douro. A actuación ten un tipo de licitación de máis dun millón e medio de euros.

O Centro Xoven de Creación Cultural da Almáciga ofrecerá entre o 5 de marzo e o 21 de xuño un amplo programa de actividades formativas. A inscrición comezá este martes 27 de febreiro e rematará o 2 de marzo. Todas as accións son de balde ata completar o número de prazas.

O alcalde recibiu esta mañá aos representantes do comité de folga do sector da xustiza, para expresar a súa solidariedade coas súas demandas e reclamar solucións "a un conflito que lle está a afectar ao día a día da veciñanza de Compostela". En Santiago estanse a suspender entre 30 e 40 xuízos diarios dende que se iniciou o paro indefinido dos funcionarios xudiciais, o pasado 7 de febreiro.

A concelleira de Economía e Facenda, María Rozas, acudiu esta mañá a unha xuntanza en Madrid con alcaldes, alcaldesas e edís de Economía de cidades do Estado con máis de 50.000 habitantes.

Esta noite quedará activado novamente o dispositivo especial de seguridade ante a previsión de baixas temperaturas, que contempla o reforzo dos servizos de Policía Local, Bombeiros e Protección Civil. O Concello ten almacenados 7.000 quilos de sal para esparexer nos puntos máis conflitivos da rede viaria.

Os concelleiros de Medio Rural e Obras para o Reequilibrio Territorial, Rafa Peña, e de Educación e Cidadanía, Manuel Dios, presentáronlle esta tarde aos veciños e veciñas de Lavacolla e á comunidade educativa da parroquia o proxecto para a construción dun salón de usos múltiples no CEIP Rodríguez Xixirei.

A nova Escola Infantil do Castiñeiro está xa rematada e dotada de equipamento para a súa apertura no próximo curso. O centro foi posible grazas á colaboración entre o Concello, que cedeu os terreos, a Fundación Amancio Ortega, que achegou o financiamento, e o Consorcio Galego de Servizos de Igualdade e Benestar, que xestionará o servizo.