{*titulo}

O programa Apego, que procura promover a socialización dos nenos e nenas en galego, continúa co seu calendario de actividades para as familias. Neste mes de febreiro haberá dende roteiros ao pé dos ríos ata obradoiros artesáns ou teatro. Ademais, haberá propostas relacionadas co Entroido.

A concelleira de Deporte, Noa Morales, presentou o partido de fútbol americano que disputarán este domingo día 4 de febreiro os Black Ravens de Santiago contra os Gijón Mariners no campo das Cancelas. Xunto á concelleira estiveron Fernando Vigo, presidente do club Black Ravens, e David Gómez, xogador de ataque do equipo. O partido comezará ás 12:00 horas e será o primeiro dos santiagueses como locais na máxima división da Liga de Fútbol Americano.

O alcalde de Santiago, Martiño Noriega, exerceu de anfitrión esta mañá na presentación da Feira do Cocido de Lalín, que se celebra este vindeiro domingo 4 de febreiro na localidade pontevedresa. Na presentación estivo tamén o rexedor lalinés, Rafael Cuiña.

A próxima semana arrancarán as obras de mellora da accesibilidade do Campus Sur, a reurbanización de Rapa da Folla e os traballos para a mellora de seguridade viaria na rúa Cañoteira de Meixonfrío. Estas actuacións sumaranse á construción da cuberta do viario que comunica os centros educativos de Lamas de Abade, que xa comezaron esta semana. O concelleiro de Medio Rural, Mantemento e Obras para o Equilibrio Territorial, Rafael Peña, deu conta hoxe deses proxectos.

As escolas infantís municipais celebraron conxuntamente o Día Escolar pola Paz e a Non Violencia, cun encontro no centro de Meixonfrío-Salgueiriños. Na actividade participou o concelleiro de Educación e Cidadanía, Manuel Dios, quen sinalou que estas accións sirven para "poñer en valor o traballo que se desenvolve ao longo de todo o ano nas escolas de Conxo, As Fontiñas e Meixonfrío-Salgueiriños en torno aos principios da paz, a cooperación e a solidariedade, na procura dun clima de harmonía,...

As instalacións deportivas de Santa Isabel serán escenario durante esta fin de semana do X Trofeo Cidade de Santiago de judo en categoría infantil(sábado 3) e do Campionato de Galicia Júnior Masculino e Feminino desta disciplina (domingo 4). Máis de 200 judokas daranse cita en Santiago nestas dúas competicións.

O Salón de Plenos do Concello acolleu esta mañá unha sesión moi especial protagonizada por case 30 nenos e nenas do CEIP de Vite, que debateron sobre a paz e a non violencia xunto a integrantes da Corporación municipal.

Santiago celebrará o Entroido do 10 ao 14 de febreiro cun programa de actividades que volverá ter tres citas centrais: o desfile do Meco dende a praza de Cervantes ata o Pazo de Bendaña, o desfile do Martes de Entroido e a Queima do Meco.

O sábado 3 de febreiro, o Teatro Principal será o escenario dun concerto solidario a favor da Federación Autismo Galicia. O protagonista desta actuación será o grupo Khitara, unha formación que mestura o son das guitarras clásicas coas eléctricas, facendo versións de temas clásicos do rock. A concelleira de Políticas Sociais, Concha Fernández, presentou este concerto xunto con Adriana Pazos, da Federación Autismo Galicia, e Jose Carballido, líder de Khitara. As entradas poden conseguirse na tenda...

O Concello de Santiago, a Deputación da Coruña e a Vicepresidencia da Xunta de Galicia asinarán este ano o convenio para a comarcalización do Parque de Bombeiros de Compostela. Hoxe pechouse un principio de acordo, pendente de que se concreten algunhas cuestións técnicas. O parque que lle daría servizo á comarca contaría cuns 90 efectivos, fronte aos 44 do actual Servizo de Extinción de Incendios e Salvamento do Concello de Santiago.