{*titulo}

A praza do Obradoiro será o escenario dos eventos máis destacados cos que Compostela despedirá este ano 2017. Pola tarde, as corredoras e corredores invadirán a praza, onde se sitúan a saída e a meta da San Silvestre 2017. Xa pola noite, as compostelás e composteláns recibirán o 2018 coa música de TT Syndicate

A praza do Obradoiro acolleu un minuto de silencio para condenar o último asasinato machista, que deixou este xoves unha vítima en Azuqueca de Henares (Guadalajara).

O Goberno local aprobou este venres o inicio do procedemento de licitación de catro actuacións longamente demandadas en Santiago, que van supoñer un investimento total de máis de 700.000 euros. O concelleiro Xan Duro, encargado de dar conta hoxe dos acordos da Xunta de Goberno, salientou o "elevado volume de investimentos que se está a licitar nas últimas reunións do Executivo, e que fará que o 2018 sexa o ano da obra pública en Compostela".

O último sábado do ano 2017 ten como principais atractivos dúas actividades: a Festa Apego e a visita ao Museo Eugenio Granell, enmarcada nos paseos de Nadal polos museos da cidade. O Apalpador rematará mañá o seu percorrido polos centros socioculturais de Compostela.

A Xunta de Goberno aprobou este venres o proxecto das obras de mellora da accesibilidade en Fontiñas, en concreto na rúa Dublín, unha actuación xurdida do proceso de Orzamentos Participativos 2017. Os traballos custarán preto de 75.000 euros, IVE incluído, e terán un prazo de execución de tres meses.

O alcalde, Martiño Noriega, participou este venres na firma do acordo de colaboración entre a Deputación da Coruña e os concellos de Santiago, Oroso, Ordes, Tordoia e Cerceda para o financiamento da redacción do proxecto da Vía Verde que unirá eses municipios. O convenio prevé destinar case 40.000 euros aos traballos de redacción, dos que o 80% serán achegados pola Deputación e o 20% restante polos concellos implicados.

O Goberno aprobou hoxe, nunha Xunta extraordinaria, o inicio do procedemento de adxudicación das obras de renovación e ampliación do sistema de céspede sintético e do sistema de rego no campo de fútbol municipal de Santa Isabel. A actuación ten un orzamento de case 525.000 euros, IVE incluído.

A concelleira de Mercados, Noa Morales, visitou este xoves as actividades do programa Efecto Proximidade que se levaron a cabo durante durante a mañá no mercado de Salgueiriños. Trátase dunha acción posta en marcha en 2015 no marco do proxecto Compostela Móvese.

Dúas son as actividades principais da programación de Nadal o venres 29 de decembro. Por unha banda, a Cociña Internacional de Nadal, e pola outra, os Paseos de Nadal por Compostela. Ademais, continúan as visitas do Apalpador polos centros socioculturais e os xogos tradicionais na praza Roxa chegan á súa última xornada.

O Xulgado de Primeira Instancia nº 41 de Madrid vén de admitir a trámite a demanda civil presentada polo Concello de Santiago contra Carmen Franco, para esixir a devolución das figuras de Abraham e Isaac, obras do Mestre Mateo que están en posesión da herdeira do ditador. No escrito, o xuíz empraza á demandada a contestar no prazo de vinte días hábiles. Contra a resolución cabe recurso de reposición no prazo de cinco días, pero a súa interposición non terá efectos suspensivos.