{*titulo}

Rematan as festas do Apóstolo máis descentralizadas dos últimos anos cunha xornada que vén marcada pola música e os fogos fin de festa, tradicionalmente coñecidos como "fogos pequenos". Nesta ocasión, debido aos traballos que se están a realizar no patio oeste do Pazo de Raxoi, non se poderá realizar a recepción veciñal, tras a cal os/as asistentes presenciaban estes fogos fin de festa dende as terrazas, agora ocupadas polas obras.

Setenta e oito concertos e outras tantas bandas e/ou artistas volverán encher as rúas e prazas da Cidade Vella compostelá. O Concello de Santiago colabora na décimo cuarta edición do Feito a Man, o festival de rúa organizado pola Asociación Cultural Cidade Vella, que terá lugar do 3 ao 30 de agosto, con máis días de programación, máis concertos e máis artistas.

O alcalde de Santiago, Martiño Noriega, recibiu esta mañá os 140 nenos e nenas participantes no campamento urbano do Centro Don Bosco.

O Pleno da corporación aprobou esta mañá en sesión extraordinaria o destino dos 7,5 millóns de euros de remanentes do 2016, que se dedicarán ao pago de sentenzas e convenios de mandatos anteriores, a amortización anticipada de débeda e a investimentos financeiramente sustentables.

O proceso dos orzamentos participativos Compostela Decide segue o seu curso. Hoxe ás 23:59 remata o prazo para apoiar as propostas achegadas pola veciñanza. As máis apoiadas pasarán a ser avaliadas nos vindeiros días polos servizos municipais para comprobar que son viables tecnicamente e determinar o seu custo. Será en setembro, a partir do día 22, cando as persoas rexistradas poidan votar finalmente as propostas de investimentos e actividades que consideren máis necesarias para Santiago.

Unha das citas máis tradicionais das festas do Apóstolo segue sendo o Día do Traxe Galego. A cidade volveu así vestirse de gala para vivir a XXXVIII edición deste evento, que pon en valor as nosas vestimentas tradicionais, contribuíndo así tamén á súa conservación.

A Xunta de Goberno Local acordou este venres resolver as alegacións ao expediente aberto á empresa adxudicataria das luces de Nadal do 2016 desestimando as cuestións presentadas.

A concelleira de Políticas Sociais, Diversidade, Saúde e Centros Cívicos, Concha Fernández, presentou este venres as características no novo prego do Servizo de Axuda no Fogar, que foi aprobado a semana pasada pola Xunta de Goberno. Destina 1.979.656,25 euros ao ano, o que supón duplicar a contía en relación ao último prego aprobado en abril de 2015.

As festas do Apóstolo van chegando ao seu remate cunha fin de semana ateigada de actividades e música. Haberá desfiles, automóbiles antigos e moitos e variados concertos.

Continúa aberta admisión de candidaturas para a xestión da cafetería-restaurante do Auditorio de Galicia. A concesión do servizo licítase cun canon anual de 5.000 euros e esixe un investimento mínimo de 25.000. A licencia de explotación outórgase por dez anos, prorrogables outros dous.