{*titulo}

A Xunta de Goberno aprobou este venres o expediente das obras de mellora e rehabilitación de pavimentos nos viarios das parroquias de Sabugueira, Figueiras e Marrozos, e o inicio do procedemento para a súa adxudicación. Nestes traballos vanse investir algo máis de 200.000 euros.

O alcalde de Santiago, Martiño Noriega, xunto coa concelleira de Políticas Sociais, Concha Fernández, e a concelleira do grupo popular Pepa Castro, recibiron un grupo de peregrinos/as da Federación de Asociacións de Familiares e Persoas con Enfermidades Mentais de Galicia (Feafes). Chegaron este venres á capital de Galicia tras facer o Camiño dende Salceda (Pontevedra).

A praza do Obradoiro acolleu un minuto de silencio para condenar o último asasinato machista, que deixou este xoves unha vítima en Sestao (Biscaia).

O proxecto Apego vén de ser galardoado cun dos Premios da Cultura Galega, concretamente na modalidade de lingua, polo fomento que fai do galego entre os cativos e cativas.

A concelleira de Políticas Sociais, Diversidade e Saúde, Concha Fernández, e a presidenta da Asociación Tiresias de Galicia, Lourdes Díaz, presentaron as actividades que se van desenvolver en Santiago co gallo do Día Mundial da Visión, que se celebra o 12 de outubro. As principais accións serán os talleres de fotografía Cores Marcianas, dirixidos fundamentalmente a persoas con dificultades visuais.

A Xunta de Goberno acordou hoxe iniciar o procedemento de adxudicación das actuacións de mellora do alumeado público nos accesos á cidade, por un importe de máis dun millón de euros. Trátase do proxecto que vai ser financiado con cargo á axuda do IDAE que recibiu o Concello de Santiago, por case 1,5 millóns de euros.

As obras de remodelación do pavimento que se están a executar na Alameda non inclúen a utilización de asfalto ou cemento, tal e como se ben recollendo erradamente nalgúns medios de comunicación. O material utilizado, co visto bo da Comisión Asesora da Cidade Histórica, denomínase Aripaq.

O alcalde, Martiño Noriega, participará o próximo luns en Roma na inauguración do festival Remover Roma con Santiago, un evento organizado con motivo do XXX Aniversario dos Itinerarios Culturais do Consello de Europa. O programa está organizado pola Oficina Cultural da Embaixada de España en Italia e conta coa colaboración de numerosas institucións tanto españolas como italianas.

A Semana Europea da Mobilidade continúa coas súas actividades en Santiago. Este venres 29, os acto principais será o Parking Day máis unha actividade de Xadrez na Rúa. Será na rúa Doutor Teixeiro a partir das cinco da tarde.

O Concello de Santiago colabora coa Deputación da Coruña, a Asociación de Escritores en Lingua Galega e a Fundación Rosalía de Castro na organización do Festival Rosalía. Este evento celebrarase os días venres 29 e sábado 30 de setembro, conmemorando o centenario da escultura de Rosalía na Alameda compostelá.