{*titulo}

A concelleira de Igualdade, Desenvolvemento Económico e Turismo, Marta Lois, presentou hoxe un estudo elaborado polo Observatorio de Igualdade de Xénero no que se analizan as violencias machistas na adolescencia temperá. Na rolda estivo acompañada de Tania Merelas, doutora en Ciencias da Educación e especialista en Xénero e Políticas de Igualdade.

Do 7 ao 28 de novembro, Compostela acolle a trixésimo segunda edición do festival Cineuropa. Ao redor de 300 filmes incluídos en 21 seccións, nun certame que medra este ano en proxeccións e espazos de exhibición, e que mantén a aposta pola calidade cinematográfica dos anos anteriores. Será o filme La noche de 12 años, do realizador montevideano Álvaro Brechner, o escollido para a apertura desta edición nunha sesión inaugural que terá lugar o mércores 7 de novembro,...

O Goberno local levará ao Pleno do mes de novembro o borrador do Plan Especial e o seu documento de avaliación ambiental, así como a primeira versión do Plan de Xestión da Cidade Histórica. De seren aprobados, pasarán a exposición pública por un prazo de dous meses.

Coincidindo co cambio de hora, o museo da Casa do Cabido, na praza das Praterías, inicia mañá xoves, 1 de novembro, o seu horario de inverno. O museo abrirá as súas portas de martes a sábados, de 10:00 a 14:00 horas polas mañás e de 16:00 a 20:00 horas polas tardes (ata agora era de 17:00 a 21:00 horas); e os domingos de 11:00 a 14:00 horas. Os luns, a Casa do Cabido permanece pechada ao público.

Unha técnica do Concello de Santiago de Compostela e un funcionario da Deputación da Coruña levan un mes en Cabo Verde e Mozambique, respectivamente, colaborando cos parceiros do Fondo Galego de Cooperación e Solidariedade a través das Vacacións con Traballo, o programa de voluntariado internacional dirixido aos cadros das administracións locais e provinciais socias da entidade. A especialista en turismo remata esta semana a súa estadía na Cámara Municipal de Santa Cruz, mentres que o informático colaborará...

O barrio de Conxo, fiel á súa cita co Samaín, celebra unha nova edición da Festa das Cabazas, organizada pola Comisión das Festas Tradicionais de Conxo, da que participa o seu centro cívico. Este sábado 3 de novembro haberá actividades para nenos e nenas, magosto, música e ata unha procesión de ánimas.

O Auditorio de Galicia acolle este martes e mañá mércores a 5ª xuntanza transnacional de socios do proxecto europeo Atlantic Social Lab. Na reunión participan representantes de cinco países da Unión Europea (Francia, Portugal, Reino Unido, Irlanda e España), co obxecto de por en común os avances dos traballos realizados no marco no proxecto.

O Concello de Santiago é un dos socios participantes no proxecto europeo TRAFAIR, que ten como obxectivo analizar a calidade do aire e a contaminación derivada do tráfico. A iniciativa, liderada pola universidade italiana de Módena, suporá un investimento total de 2,2 millóns de euros. Desa cifra, a Compostela vanlle corresponder 170.000 euros.

Hoxe chegaron á praza do Obradoiro os membros da asociación solidaria "2plega2", que pretende darlle visibilidade á fibrose quística e recadar fondos para axudar á investigación desta doenza. Juan Meira, Pedro de Armas e Salvador Garrido foron recibidos pola concelleira de Políticas Sociais, Concha Fernández.

Este sábado 3 de novembro celebrarase a terceira proba do CorreSan, a tradicional Ruta dos Parques con saída na Cidade da Cultura e meta no Parque Eugenio Granell. O percorrido é dos máis longos do circuíto, cun total de 6,1 quilómetros para a categoría absoluta.