{*titulo}

O Mercado de Nadal abrirase o vindeiro xoves, 5 de decembro, ás 12:00 horas, na rúa da Carreira do Conde. Permanecerá aberto ata o 5 de xaneiro en horario de 12:00 a 14:00 e de 17:00 a 21:30 horas. O Mercado estará pechado os días 24 e 25 de decembro e 1 de xaneiro; e só abrirá pola mañá o día 31 de decembro.

A concelleira de Políticas Sociais, Mila Castro, presentou esta mañá a acción "Baixo o mesmo paraugas. Galicia pola diversidade", que se celebrará o 3 decembro, ás 12:00 horas, na praza do Obradoiro, con motivo da celebración do Día Internacional das Persoas con Discapacidade. Acompañárona na rolda de prensa representantes das entidades implicadas nesta iniciativa: Down Compostela, Sarela (Asociación de Dano Cerebral de Compostela), Acem (Asociación Compostelá de Esclerose Múltiple),...

O concelleiro de Festas, Gonzalo Muíños, presentou un avance da programación do Nadal 2019. Será un calendario cheo de actividades para todos os públicos e que arrincará co acto de acendido do alumeado de Nadal o xoves 5 de decembro ás 19:00 horas.

O concelleiro de Turismo, Sindo Guinarte, e a presidenta da Asociación Hostalaría Compostela, Sara Santos, visitaron este venres o restaurante ACDC, na rúa do Franco, para facer un balance do XII Santiago(é)Tapas e do I Santiago(é)Cóctel, así como para animar a participar nos últimos días destes concursos e na final do certame de tapas prevista para os días 6, 7 e 8 de decembro.

Ata o xoves 12 de decembro permanecerá aberta a inscrición e matrícula no Programa Municipal de Conciliación de Nadal. Desenvolverase os días 23, 24, 26, 27, 30 e 31 de decembro de 2019 e o 2, 3 e 7 de xaneiro de 2020 no CEIP Monte dos Postes e no CEIP Ramón Cabanillas.

O alcalde de Santiago participou na mesa redonda "Eixo Atlántico (Cross border Portugal-Spain Urban Agenda)", dentro da xornada "Sharing experiences for the future in Spain, Portugal and Italy". Xosé Sánchez Bugallo presentou a Axenda Urbana da Eurorrexión Galicia-Norte de Portugal.

O alcalde de Santiago de Compostela, Xosé Sánchez Bugallo participou hoxe na apertura da X Asemblea Xeral da Federación Galega de Municipios e Provincias (FEGAMP), que, baixo o lema "O valor do poder local", se celebra no Palacio de Congresos e Exposicións de Santiago.

O alcalde de Santiago, Xosé Sánchez Bugallo, asistiu ao acto de entrega dos Premios Meninas 2019, outorgados pola Delegación do Goberno en Galicia con motivo da conmemoración do Día Internacional da Eliminación da Violencia contra a Muller. Presidiu o acto o delegado do Goberno en Galicia, Javier Losada.

O alcalde de Santiago de Compostela, Xosé Sánchez Bugallo, e a concelleira de Políticas Sociais e Saúde, Mila Castro, reuníronse hoxe coa directiva da Cociña Económica. Entre os asuntos tratados figurou a renovación do actual convenio de colaboración; e a composición da Xunta Directiva da entidade, na que se integraría un representante do Concello, neste caso Mila Castro.

A concelleira de Urbanismo, Vivenda e Cidade Histórica, explicou, no II Foro Iberoamericano de Compra Pública de Innovación e Innovación Aberta, que se celebra ata hoxe na cidade colombiana de Medellín, o proxecto Smartiago. Esta iniciativa, que suma sustentabilidade e innovación, conta con tres liñas estratéxicas: xestión de residuos sólidos urbanos e limpeza viaria, mobilidade e alumeado ornamental.