{*titulo}

Ás cinco da tarde quedaba aberta a Porta Santa da Catedral, marcando a apertura do Ano Santo Compostelán, nunha cerimonia solemne na que estivo presente o alcalde de Santiago, Xosé Sánchez Bugallo, o presidente da Xunta de Galicia, Alberto Núñez Feijóo, que actuou como Delegado Rexio, e a ministra de Traballo, Yolanda Díaz, entre outras autoridades. Ao remate, Bernardito Cleopas Auza, Nuncio Apostólico en España, anunciou que o Ano Santo 2021 prolongarase durante todo o 2022 por mor da pandemia de covid-19.

O alcalde, Xosé Sánchez Bugallo, e boa parte da Corporación asistiron aos actos con motivo da Ofrenda de Translación dos restos do Apóstolo Santiago, na que este ano oficiou como delegado rexio o presidente Xunta de Galicia, Alberto Núñez Feijóo.

O xurado do concurso de escaparatismo de Nadal, reunido telematicamente o luns 21 de decembro, emitou o seu fallo tras valorar os 15 escaparates finalistas. Tamén comprobou o resultado da votación popular realizada a través da páxina en Facebook de Comercio Santiago. O alcalde, Xosé Sánchez Bugallo, visitou esta mañá o escaparate gañador do premio do xurado.

A obra "Baleiro", de Gabriel Gómez Estévez, é a gañadora da terceira edición dos Premios SELIC de creación literaria, convocados polo Concello de Santiago. Os dous accesits foron para "O novelo", de Óscar Senra Gómez; e para "Partida salvada", de Fernando Epelde García. A concelleira de Acción Cultural, Mercedes Rosón, deu a coñecer o nome dos premiados, aos que felicitou; e destacou a singularidade deste galardón, que ten como obxectivo incrementar a presenza de Compostela...

Este programa estase realizando no CEIP Cardeal Quiroga Palacios entre o 23 de decembro e o 7 de xaneiro, en horario de 9 a 14 horas.

Segundo a Asociación española de fabricantes de pasta, papel e cartón, agárdase que durante os meses de Nadal se recollan en España 873.000 kilos de papel e cartón. Esta cifra representa un 20% da cantidade total recollida ao longo de todo o ano. Dada a elevada perda de recursos que supón esta xeración de residuos, o Concello de Santiago de Compostela, a través da iniciativa Tropaverde, vén de lanzar un concurso de envoltorios de agasallos realizados con materiais reutilizados, reutilizables e/ou biodegradables.

O alcalde de Santiago, Xosé Sánchez Bugallo, e a conselleira de Emprego e Igualdade, María Jesús Lorenzana, entregaron os diplomas ao alumnado do obradoiro de emprego dual CREAS II, co que se realizou unha intervención de mellora medioambiental para a rexeneración do Monte Viso.

A Xunta de Goberno local, reunida hoxe, deu luz verde ao proxecto de reurbanización da rúa do Hórreo, que permitirá conectar a nova estación intermodal coa ensanche compostelán. Así o anunciou o alcalde de Santiago, Xosé Sánchez Bugallo, en rolda de prensa. O proxecto técnico de reurbanización da rúa do Hórreo, no ámbito da fronte da estación intermodal, elaborado por Ezcurra e Ouzande Arquitectura, conta cun Orzamento Base de Licitación de 593.562,72 euros, IVE engadido, e un...

A praza do Obradoiro acolleu este mediodía un minuto de silencio pola muller asasinada na localidade de Villarubia de los Ojos, Cidade Real, vítima da violencia machista.

Un total de oito packs culturais valorados entre os 100 e os 250 euros son os que sorteará o Concello de Santiago a través da campaña CompostelaSomosCultura. Co obxectivo de "revitalizar" a actividade dese sector tan afectado pola pandemia debido á Covid-19 como é o da cultura, as redes sociais inzaranse -desde xa e ata o mes de febreiro- de micro eventos e accións culturais da vida compostelá.