{*titulo}

O vindeiro 2 de abril conmemórase o Día internacional do libro infantil e xuvenil e a rede de centros socioculturais do Concello de Santiago celébrao cun amplo programa de actividades que arranca hoxe pola tarde coa inauguración dunha exposición por parte do concelleiro de Centros, Javier Fernández, ás 17.00 horas no CSC das Fontiñas.

O pasado 23 de outubro o Concello autorizaba, mediante decreto do alcalde, a ocupación destas zonas de forma excepcional e, como máximo, ata o 5 de abril de 2021. Este prazo amplíase ata o 30 de maio co obxecto de axudar a paliar as consecuencias das restricións para frear a pandemia no sector da hostalería e a restauración, dado que estas seguen vixentes.

O alcalde de Santiago, Xosé Sánchez Bugallo, acompañado dos concelleiros de Deportes, Esther Pedrosa; e do responsable de Barrios e Obras, Javier Fernández; visitou o campo de fúbol das Cancelas, con motivo do remate das obras de substitución do céspede sintético e de peche perimetral do recinto. Os traballos contaron cun investimento de 466.500 euros.

O mércores 1 de abril, día de Xoves Santo, permitirase o aparcamento como nun día laborable, entre as 08:00 h. e as 14:00 h., nas rúas Travesa da Universidade, Praza da Universidade, Praza da Fonte Seca e praza e rúa de Mazarelos, coincidindo coa apertura da Praza de Abastos.

Turismo de Santiago informa na súa web da oferta aloxativa aberta na cidade durante o periodo vacacional de Semana Santa. A páxina web da entidade de promoción turística municipal conta cun buscador de aloxamentos por tipoloxía na que se inclúe unha referencia sobre aqueles que estarán abertos durante estes días.

O concelleiro de Políticas Lingüísticas, Rubén Prol, presentou o certame de Enreguéifate e os obradoiros escolares, que chegarán a máis de 600 alumnos e alumnas de oito centros escolares de primaria e secundaria. Aos colexios e institutos acudirán, por parellas, Lupe Blanco, A Rabela e Josiño da Teixeira, que forman parte do movemento de renovación do xénero da regueifa.

A concellaría de Centros Socioculturais acaba de convocar o concurso de carteis para o programa "Vive o verán 2021" da Rede de Centros Socioculturais do Concello de Santiago. Trátase de elixir, mediante o voto das compostelás e composteláns, a través das redes sociais, o cartel da campaña. O prazo de recepción de traballos ábrese o 5 de abril, ás 10:00 h. e finaliza o xoves, 29 de abril, ás 20:00 h.

A Xunta de Goberno Local, reunida hoxe en sesión ordinaria, aprobou, entre outros asuntos, o proxecto técnico de rehabilitación do interior do edificio denominado "Casa das Máquinas", na rúa de Galeras. O orzamento total do proxecto, IVE incluído é de 166.909,43 euros; e conta cun prazo de execución previsto de 6 meses.

A cidade de Salamanca acolleu hoxe a celebración da Asemblea Xeral do Grupo de Cidades Patrimonio da Humanidade de España (GCPHE) que marca o punto de partida para a recuperación turística, á que asistiu a primeira tenente de alcalde de Santiago, Mercedes Rosón.

O Concello de Santiago, a través da concellería de Medio Ambiente, súmase mañá, 27 de marzo, á "Hora do Planeta", unha iniciativa de concienciación ambiental que se celebra sempre o último sábado do mes de marzo. Entre as 20:30 e as 21:30 h, os edificios municipais apagarán as súas luces.