{*titulo}

O proxecto "Entre Sar e Sarela" recibirá unha axuda de 3.613.586,17 euros a través da convocatoria da Fundación Biodiversidad para fomentar actuacións de renaturalización e resiliencia de cidades españolas, lanzada no marco do Plan de Recuperación, Transformación e Resiliencia e financiada polos fondos europeos NextGenerationEU. Este proxecto, presentado de maneira conxunta polo Concello de Santiago e a USC, recolle actuacións en diferentes zonas da cidade como o barrio de Pontepedriña, o Xardín...

Un total de 350 cativos e cativas participarán nas distintas quendas das 'Cativadas de verán' que comenzan a partir do vindeiro luns nos CSC de Vite, Ensanche, Castiñeiriño, Pontepedriña, Santa Marta e nas parroquias de Laraño, Figueiras, Nemenzo, A Gracia, Bando, Lavacolla e Marrozos. A próxima semana tamén arrancan os "Clubs de Verán", as actividades ao aire libre e os espectáculos de verán que percorrerán varios espazos da cidade.

O Concello asume unha bonificación do 20% que se suma á do 30% establecida polo Ministerio de Transportes, Mobilidade e Axenda Urbana.

A concelleira de Deportes, Pilar Lueiro, presentou esta mañá a terceira edición da Carreira Guerreira que se celebrará o vindeiro sábado 1 de xullo e cuxos beneficios irán destinados integramente ás iniciativas desenvolvidas pola Asociación Guerreros Púrpura para visibilizar e mellorar a calidade de vida de nenas e nenos con epilepsia e enfermidades raras neurolóxicas e metabólicas.

O Pazo de Raxoi acolleu esta mañá a reunión da Xunta Local de Seguridade á que asistiron, entre outras autoridades, a alcaldesa de Santiago, Goretti Sanmartín; o concelleiro de Convivencia, Xan Duro e a subdelegada do Goberno na Coruña, María Rivas, co obxectivo de coordinar de forma conxunta as medidas de reforzo para garantir a prevención e seguridade da cidadanía durante as Festas do Apóstolo deste ano.

As autoras catalás Núria Figueras e Anna Font son as gañadoras do XVI Premio Internacional Compostela de Álbum Ilustrado cun proxecto titulado 'La visita'. A obra 'Tarde de sapo' de Maite Mutuberria Larrayoz alzouse como finalista e 'Vent', de Gerard Sancho Novell, recibiu unha mención do xurado. Organizado polo Concello de Santiago e a editorial KALANDRAKA, este premio ten unha dotación económica de 9.000 euros e conleva a publicación da obra gañadora en galego, catalán, éuscaro,...

A praza do Obradoiro acolleu esta mañá o acto central de celebración do Día Internacional do Orgullo LGTBI+, no que se deu lectura a un manifesto por parte das concelleiras dos diferentes grupos municipais Mercedes Rosón (PSdG PSOE), Míriam Louzao (BNG), María Baleato (PP) e María Rozas (Compostela Aberta). A alcaldesa, Goretti Sanmartín, foi a encargada de abrir e pechar o acto que tamén contou coa participación dun grupo de alumnos e alumnas do IES do Sar.

As escolas infantís municipais de Conxo, Fontiñas e Meixonfrío-Salgueiriños acollen ao longo desta semana unha serie de simulacros simulando unha situación de emerxencia co fin de mellorar a seguridade dos escolares e dos profesionais do centro. Os concelleiros de Educación, Míriam Louzao, e de Mobilidade e Convivencia, Xan Duro, asistiron ao simulacro que tivo lugar esta mañá na EIM de Conxo, no que participaron preto e 70 nenos e nenas.

Compostela concentra boa parte da actividade do Festival Atlántica cunha vintena de espectáculos entre os días 3 e 8 de xullo. Contos, música e rutas narradas conforman un programa con funcións para todos os públicos, entre as que destaca a estrea absoluta do último espectáculo de José Luis Gutiérrez ‘Don Guti’, o vindeiro 7 de xullo na Colexiata de Sar.

O proxecto xurde arredor da investigación sobre arte urbana feminista baixo a mirada das especialistas en graffiti e muralismo contemporáneo, Amabel González Troncoso e Clara Rodríguez Cordeiro, comisarias da mostra. Un percorrido pola obra de 31 artistas galegas, algunhas das cales teñen intervido nos muros en sala, que estará aberta até o 12 de novembro.