{*titulo}

Enmarcada na Estratexia de Desenvolvemento Urbano Sostible e Integrado de Santiago, a actuación conta cun prazo de execución de 3 meses, creará percorridos que conecten o barrio co tecido urbano e xerará -ou mellorará- os espazos estanciais de Pontepedriña.

"Vivir os libros", é o lema baixo o que este ano se celebra a Feira do Libro que desembarca en Compostela desde hoxe e ata o 7 de maio. Unha semana na que preto dun centenar de autoras e autores daranse cita no paseo central da Alameda que xa desde hoxe acolle máis dunha decena de librarías que sacan os seus libros á rúa.

Cun prazo de execución de 4 meses, o importe total ascende a 352.600 euros, centrando a actuación na Avenida da Coruña onde se pretende mellorar a conectividade entre a Alameda e a Residencia de Estudantes. Entre as principais actuacións, aumentar os espazos peonís, reorganización do acceso de vehículos e a reordenación das zonas verdes e espazos vexetais.

O alcalde de Santiago, Xosé Sánchez Bugallo, animou ao sector comercial e ás asociacións a participar na cuarta edición de "Prima 23. A festa do comercio local", que se desenvolverá o xoves 4, o venres 5 e sábado 6 de maio en distintos barrios de Santiago. Un evento, sinalou o rexedor, "que pretende reforzar a aposta do Concello de Santiago polo comercio local e de proximidade". Ademais do alcalde, na presentación estivo presente a técnica responsable da área de Comercio, Lucía Castro que explicou...

A partir deste sábado, 29 de abril, a veciñanza de Santa Marta contará cunhas instalacións deportivas renovadas que inclúen unha pista de voleibol, unha pista de skate e un espazo pumptrack. O Concello destinou unha inversión de 130.000 euros para levar a cabo esta actuación.

Catorce entidades asistiron hoxe á primeira reunión do proceso participativo para a elaboración dun "Protocolo de actuación fronte ás violencias sexuais en espazos de ocio nocturno" impulsado polo Concello de Santiago. Segundo explicou a concelleira de Políticas de Igualdade, Mercedes Rosón, o obxectivo é a elaboración dun documento de prevención, identificación e denuncia deste tipo de violencias, que se adapte, tanto á normativa vixente como ás peculiaridades concretas e á...

A IV Festa do Banquete de Conxo celebrarase este ano o venres 12, sábado 13 e domingo 14 de maio na carballeira do Banquete de Conxo e na praza Aurelio Aguirre. Consulta nesta páxina toda a información.

O Ministerio para a Transición Ecolóxica e o Reto Demográfico acaba de conceder 3.613.586,17 euros de fondos Next Generation ao "Proxecto para a renaturalización, mellora da biodiversidade e consolidación da infraestrutura verde de Santiago. Entre o Sar e o Sarela", que contempla cinco actuacións: o barrio verde de Pontepedriña, a lagoa do Auditorio, o xardín botánico, a lagoa de Cornes, e a renaturalización do monte do Viso. Todas elas reciben financiación, segundo destacou o alcalde de Santiago...

O concelleiro de Educación, Rubén Prol, acompañado polos coordinadores da iniciativa, Sagrario Torreiro e Daniel Baamonde, presentou hoxe en rolda de prensa o XXVII Certame de Teatro Intercentros que levará ao escenario do Teatro Principal entre o 4 e o 11 de maio, 10 espectáculos protagonizados polo alumnado de 8 institutos de educación secundaria, e ao Centro Xove da Almáciga, o 12, 15 e 16 de maio, 8 representacións de 7 centros de primaria.

Hoxe clausuráronse as xornadas "Cidades Habitadas. Vida e sustentabilidade urbana nas Cidades Patrimonio da Humanidade", promovidas polo Grupo de Cidades Patrimonio e patrocinadas polo Ministerio de Cultura. En representación de Santiago, nas xornadas participou a concelleira de Urbanismo, Mercedes Rosón, xunto a un amplo elenco de expertos e representantes das 15 Cidades Patrimonio.