{*titulo}

Teatro de Ningures trae ao Teatro Principal todo un clásico, o "Tartufo" de Moliére. O espectador poderá recuperar esta comedia en cinco actos, que resiste o paso do tempo, coa que o dramaturgo francés fixo unha implacable crítica á hipocresía da sociedade da época.

A concelleira de Benestar Social e Muller, Adelaida Negreira presentou a Campaña de concienciación e sensibilización sobre os valores da igualdade de xénero. Dentro das actividades desta iniciativa, a concelleira repartiu entre o alumnado de primeiro de Educación Primaria do Pío XII, un xogo de dúas cuncas con imaxes relacionadas co reparto das tarefas domésticas entre os pais e as nais.

O alcalde compostelán, Xosé A. Sánchez Bugallo, recibiu a unha delegación de Santiago de Querétaro, cidade mexicana irmandada con Santiago de Compostela.

Vén de convocarse a segunda edición do Premio Manuel María á dignidade nacional. Segundo se di nas bases, o galardón quere "recoñecer publicamente a contribución daquelas persoas ou aquelas institucións públicas ou privadas que teñan desenvolvido actividades ou promovido iniciativas de calquera tipo con destacadas consecuencias na mellora da nosa dignidade nacional, tanto no ámbito da defensa da identidade cultural como no da responsabilidade social ou en calquera outro que contribúa a alcanzar o mesmo...

O alcalde, Xosé A. Sánchez Bugallo, visitou as obras de urbanización de Meixonfrío xunto á concelleira de Urbanismo, Mercedes Rosón, o concelleiro de Infraestruturas, Bernardino Rama e o xerente de Emuvissa, promotora da obra, Xosé Manuel Rey Pichel. O rexedor compostelán aproveitou a visita para reunirse cos presidentes das dúas cooperativas e cos directores da obra.

Dentro do primeiro Programa de Recuperación da Memoria Histórica que está a realizar a Concellaría de Centros Socioculturais, o día 1 de febreiro inaugurarase no Centro Sociocultural da Trisca a exposición sobre o barrio da Rocha. Ao día seguinte, 2 de febreiro, será o propio centro da Rocha o que reciba e inaugure a exposición sobre o barrio de San Pedro.

O Museo do Pobo Galego, o primeiro lugar onde expuxera a principios de 1987 o colectivo "Anakos", acolle agora unha exposición que recorda aquela mostra. Dos membros orixinais reuníronse para esta ocasión Xosé Antón Castaño, Luís Iglesias Diz, Xurxo Martiño e Nolo Suárez. A mostra inaugúrase o xoves 1 de febreiro.

Turismo de Santiago estará presente na feira FITUR Congresos, entre o 29 e 30 de xaneiro, e na gran edición de FITUR 2007, que se celebrará do 31 de xaneiro ao 4 de febreiro no Parque Ferial Juan Carlos I de Madrid.

Os membros do Padroado da Fundación Refuxio de Animais mantiveron un encontro para resolver algúns puntos concretos do funcionamento do refuxio de Bando. Analizáronse as cifras de 2006, que indican que durante este ano entraron 859 animais, 36 menos que en 2005.

O martes 20 de Antroido celebrarase un ano máis o tradicional desfile de carrozas e comparsas. A participación é libre neste concurso, que repartirá 12.200 euros en premios.