{*titulo}

O Departamento de Parques e Xardíns acometerá nos vindeiros días a creación dun novo parque infantil en Pozo da Neve (Meixonfrío) e o acondicionamento e renovación doutros catro en Doutor Maceira, Santa Marta, A Peregrina e Parque de Xixón. En total, estas obras, pendentes de adxudicación, suporán un investimento de 264.574 euros.

O Consello de Administración da Empresa Municipal de Vivenda e Solo (EMUVISSA) aprobou sacar a licitación as obras de urbanización do SUP-7 de Pontepedriña, onde se levantarán 650 novas vivendas. Os traballos adxudicaranse en outubro e a previsión é que comecen a finais de 2006 ou principios do ano que vén. O orzamento será de 5.944.000 euros.

O equipo de fútbol sala feminino Funeraria Apóstol pasou polo Concello, onde foi recibido polo alcalde, Xosé A. Sánchez Bugallo, trala súa recente victoria no Campionato de España.

Ao igual que en anos anteriores, a Concellaría de Educación pon en marcha o programa Vacacións en paz, grazas ao cal un grupo de nenos e nenas saharauís son acollidos por familias compostelás. Estes rapaces e as súas familias santiaguesas foron recibidos polo alcalde, Xosé A. Sánchez Bugallo e outros membros da Corporación.

A Concellería de Promoción Económica, en colaboración coa Fundación Santiago Centro Área Comercial e o Centro Comercial Aberto Compostela Monumental, pon en marcha un servizo de coidado de nenos en horario comercial. O servizo está dirixido a rapaces de idades comprendidas entre tres e dez anos e estará dispoñible durante os sábados dos meses de setembro, outubro, novembro e decembro. Tamén haberá unha campaña intensiva no Nadal, en horario de mañá e tarde.

A Concellaría de Cultura de Santiago e Cadena 100 presentan en concerto á cantante internacional Tara Blaise. Será o luns, 3 de xullo, no Teatro Principal ás 21.00 horas e as entradas, gratuítas, pódense recoller nas instalacións de Cadena 100 en Compostela.

Trinta profesionais poñen en escena un espectáculo de música e baile de raíz que conxuga os recursos da tradición galega con outras formas de expresión musicada e danzada. Será na estrea do primeiro espectáculo de GS21, Isolma, o venres 30 de xuño, ás 21.00 horas, na sala Ángel Brage do Auditorio de Galicia.

Nos anos 70, o antigo vieiro á Estrada, no contorno do grupo de vivendas Quiroga Palacios, en Pontepedriña foi escenario dunha triste marca de atropelos. Dezaoito persoas faleceron ao intentar cruzar a rúa entre 1973 e 1978. O vindeiro sábado 1 de xullo, a asociación Sandra Prego réndelle homenaxe a estas vítimas nun acto no que se descubrirá unha placa na súa honra na Praza de León.

O Consorcio e o Concello de Santiago lanzan un innovador programa de axudas para subvencionar o mantemento da envolvente exterior do edificio e as fiestras e galerías de madeira da Cidade Histórica.

A concelleira de Medio Ambiente, Marta Álvarez-Santullano recolleu en Castellón o Premio ISR 2006, que recoñece os resultados obtidos pola cidade en materia de sostibilidade. O xurado deste galardón, outorgado polo Instituto para a Sostibilidade de Recursos (ISR) valorou por unanimidade o conxunto de actuacións postas en marcha polo Concello nos ámbitos económico, social, ambiental e cultural.