{*titulo}

O concelleiro de Mocidade e Festas, Xosé Baqueiro, fixo balance das Festas do Apóstolo na súa última xornada. Foron dezanove días "moi intensos", con máis de setenta actividades, marcadas pola "alta participación".

O alcalde compostelán, Xosé A. Sánchez Bugallo, recibiu e Raxoi ao novo Valedor do Pobo, Benigno López González, que tomou posesión do seu cargo perante o Parlamento o 27 de xullo.

Como xa é tradicional, os participantes do campamento de verán da escola Don Bosco, tiveron como parte das súas actividades unha visita á Casa do Concello.

Nos meses de agosto e setembro filmarase en Compostela a longametraxe "A noite que deixou de chover", dirixida polo compostelán Alfonso Zarauza e protagonizada por Luís Tosar. O filme conta coa colaboración do Concello de Santiago a través da súa Santiago de Compostela Film Commission, que asinou un convenio coa produtora.

Comezou o Festiclown e fíxoo cos cursos do Formaclown, aos que xa se lle pode denominar a Universidade do clown europea. Abriu as súas portas con 280 alumnos, a cifra máis elevada da historia desta escola de formación. Os cursos continuarán ao longo de toda a semana e o público podera ser testemuña dos seus froitos, xa que os alumnos e alumnas farán demostracións do aprendido nas rúas e prazas da cidade. En concreto, o mércores 1 estarán os alumnos do curso de Claudia Contín a partir das 19:00 horas na...

O director xeral de Caixa Galicia, José Luis Méndez, e o alcalde de Santiago de Compostela, Xosé Sánchez Bugallo, asinaron un convenio de colaboración entre a Fundación Caixa Galicia e o Concello para a realización de diferentes actividades culturais na capital galega.

O concelleiro de Cultura, Néstor Rego, e o presidente do Padroado do Museo do Pobo Galego, Isaac Díaz Pardo, asinaron un convenio que fixa a colaboración en diversas actividades específicas de salvagarda da cultura galega . O Concello achegará 10.000 euros.

O Goberno local acordou a resolución do contrato de consultoría e asistencia técnica para a redacción do proxecto e dirección facultativa da nova sede do Parque Comarcal de Bombeiros, adxudicado no seu día a Alberto Noguerol del Río. A razón é o incumprimento do contratista da obriga de requirir a pertinente autorización para a modificación do proxecto.

O 2 de setembro remata en Santiago unha etapa da Volta Ciclista a España 2007. Por este motivo, o Goberno local aprobou o convenio que se subscribirá entre o Concello e a Fundación Deporte Galego, no que se determinan as obrigas municipais en relación ao evento.

O Goberno local adxudicou unha asistencia técnica para o desenvolvemento da actividade de creación da marca do comercio compostelán, por un importe de 22.000 euros. A finalidade deste proxecto é sentar as pautas para a xestión óptima deste recurso, de xeito que permita visualizar a estratexia corporativa do comercio da cidade.