EDUCACIÓN
A mostra "SANTIAGO dC" permitirá aos escolares coñecer o patrimonio urbano herdado
A Concellaría de Educación e o Consorcio presentaron un novo programa de visitas guiadas para escolares e adultos arredor da mostra "SANTIAGO dC". A finalidade da iniciativa é contribuír ao coñecemento da cidade e lograr un maior respecto e admiración polo noso patrimonio urbano.
ALCALDÍA
Un novo lugar para a memoria en Compostela
A lembranza do profesorado, persoal e estudantes da Universidade de Santiago represaliados no período 1936-42 faise presente a través da obra que esculpiu Acisclo Manzano e que se vén de inaugurar no Campus Sur. Compostela ten deste xeito, un novo icono para a memoria respecto a unhas persoas obrigadas a afastarse da docencia e a ao exilio.
DEPORTES
Os composteláns teñen unha cita para percorrer en bicicleta a súa cidade
Se a meteoroloxía acompaña, o domingo 30 de setembro os composteláns teñen unha cita para percorrer a súa cidade en bicicleta. A proba sairá ás 11:00 horas do Centro Comercial Compostela.
PROMOCIÓN ECONÓMICA
REDEL analizou a calidade no emprego e o desenvolvemento económico
A calidade no emprego, a procura dun modelo de financiamento sostible para os entes locais e a importancia das infraestruturas no desenvolvemento económico son tres dos temas debatidos na primeira Asemblea de REDEL, a Rede de Entidades para o Desenvolvemento Local, que se celebrou en Compostela os días 27 e 28 de setembro.
CULTURA
O Camiño de Santiago, protagonista do XX aniversario do Instituto Europeo de Itinerarios Culturais
O Camiño de Santiago é o gran protagonista dun Congreso que se está a celebrar en Le Puy en Velay con motivo do XX aniversario da creación do Instituto Europeo de Itinerarios Culturais e que leva por nome, precisamente, Sobre os Camiños de Santiago.
ALCALDÍA
O Concello trasladará a Santiago experiencias das cidades do Báltico en temas de transporte
O acordo foi adoptado durante o encontro que mantivo o alcalde, Xosé A. Sánchez Bugallo en calidade de presidente da Conferencia de Cidades do Arco Atlántico (CCAA) co presidente da Unión de Cidades do Báltico (UBC), Bodker Andersen.
TURISMO
Santiago promove o seu turismo nos novos mercados do Leste
Santiago de Compostela asiste do 22 ao 29 de setembro, xunto a outras doce cidades españolas Patrimonio da Humanidade, ás xornadas organizadas por Turespaña para contactar con axentes de viaxes e turoperadores en Varsovia, Sofía e Budapest.
PROMOCIÓN ECONÓMICA
O obradoiro de emprego Compostela Natural permitirá rexenerar as ribeiras do Sarela e construír un albergue de cabalos no Monte do Gozo
O venres 28 de setembro iniciase o Obradoiro de Emprego Compostela Natural, desenvolvido pola Concellaría de Promoción Económica, Emprego, Comercio e Turismo. Conta cun orzamento de 1.173.865,54 euros achegados pola Consellería de Traballo. As clases teóricas impartiránse no Centro de Formación Ocupacional Sanxuás de Aríns.
ALCALDÍA
Santiago colaborará cos países bálticos en varios proxectos relacionados co desenvolvemento sostible
Durante a súa intervención na sesión inaugural da IX Conferencia Xeral da Unión de Cidades do Báltico (UBC), Sánchez Bugallo fixo unha breve presentación do proxecto político da Conferencia de Cidades do Arco Atlántico (CCAA), actualmente presidida por Compostela. As liñas mestras deste proxecto centraranse no desenvolvemento sostible aplicado de forma transversal a todas as áreas de traballo, a través da implantación dunha axenda local 21 que pretende facerse extensiva a todas as cidades membro da CCAA.
DEPORTES
O Multiusos Fontes do Sar amplía a súa sala de musculación con novos equipamentos
O alcalde compostelán, Xosé A. Sánchez Bugallo, visitou o Multiusos Fontes do Sar. Alí puido comprobar as melloras realizadas na sala de musculación, que ampliou o seu espazo e incorporou novos equipamentos.
