{*titulo}

Ata o 28 de maio poderán presentarse as candidaturas ao XII Concurso de Fotografía Deportiva, convocado pola Concellería de Deportes. A Xunta de Goberno aprobou as bases e un orzamento de 4.000 euros para este certame.

O concelleiro de Cultura, Néstor Rego, presentou no Pazo de Raxoi a programación cultural de Santiago para o mes de maio. A axenda cultural vai ser particularmente extensa, salientado os concertos de Laurie Anderson e Michael Nyman e a actuación de Teresa Nieto no ciclo SCQ Danza, así coma o Ciclo de Cinema Mudo e Música en Directo.

A Carta Atlántica de Desenvolvemento Sostible recibiu a aprobación do Buró Executivo da Conferencia de Cidades do Arco Atlántico, que presidiu o alcalde compostelán, Xosé A. Sánchez Bugallo. Con leves modificacións, esta carta será votada e firmada por todas as cidades membro na IX Asemblea Xeral que se celebrará en San Sebastián en xuño.

A cidade xa está preparada para o comezo das festas, que este ano arrincan cun dos seus pratos fortes: a Campus Party. A partir das 23:00 horas do mércores 30 os mozos e mozas terán a posibilidade de gozar e bailar durante máis de tres horas coas sesións de música techno e dance dos grupos e Dj´s invitados: Ragdog, Cornelius e o Dj alemán Sash e o español Jesse García.

As Festas da Ascensión comezan o mércores 21 cun programa repleto de actividades e actuacións musicais para todo tipo de públicos. Arrincarán ás 12:00 horas coas bombas que anuncian o inicio das festas. A partir dese instante o ambiente festivo chegará ás rúas de Santiago, que ao longo de toda a mañá estarán animadas por grupos de gaiteiros, fanfarrias e polo bo facer dos cabezudos.

A cidade acolle entre o 30 de abril e o 4 de maio a fase de ascenso á Liga Feminina, a máxima competición do baloncesto feminino español. Un equipo compostelán, o Pío XII, campión do seu grupo na liga regular, aspira a dar o salto á categoría superior co apoio da súa afección.

A Concellaría de Promoción Económica, Emprego, Comercio e Turismo impartirá dous cursos máis do Plan FIP (Formación e Inserción Profesional), destinados a persoas desempregadas. Son Instalador de sistemas de enerxía solar térmica e Electricista de edificios. Concedidos pola Delegación provincial da Consellería de Traballo, están homologados pola Xunta de Galicia e subvencionados con 109.170 euros.

O Buró Executivo da Conferencia de Cidades do Arco Atlántico discutirá o mércores 30 en Santiago o contido dun documento que, baixo o título de "Carta Atlántica de Desenvolvemento Urbano Sostible", obrigará ás cidades membro da CCAA a adquirir compromisos concretos fronte ao cambio climático.

Representantes das cidades de Avilés, Vigo, Limoges, Nantes, Bordeaux, Gijón, Rennes, Lorient, Porto e Santiago discutiron sobre as temáticas que deben formar parte da sinopse dunha exposición itinerante que a CCAA vai organizar en colaboración co Museo de Europa.

Un total de 15.873 persoas visitou a segunda feira de saldos que se celebrou en Santiago, Compostela Outlet 2008, organizada pola Concellaría de Promoción Económica, Emprego, Comercio e Turismo no marco do programa de actividades, Marzo, mes do comercio.