{*titulo}

A Asemblea Xeral da Conferencia de Cidades do Arco Atlántico celebrarase o martes 3 de xuño, no Palacio de Congresos do Kursaal de Donostia, e estará presidida polo alcalde de Santiago de Compostela e actual presidente da CCAA, Xosé A. Sánchez Bugallo.

O xurado do XII Concurso de Fotografía Deportiva fixo públicos os gañadores do certame. A fotografía titulada Esforzo, de Alberte Sánchez Regueiro, obtivo o primeiro premio, que conta cunha dotación económica de 1.000 euros.

O sábado 31 de maio e o domingo 1 de xuño, cita co deporte en Santiago, coa celebración, respectivamente do Día do Deporte e do Día da Bicicleta. Todos os composteláns están chamados a participar de balde nestas actividades.

Para o alcalde compostelán, Xosé A. Sánchez Bugallo "unha Lei de Bombeiros resolvería as dúbidas sobre os parques de bombeiros". Así o apuntou una súa habitual rolda de prensa dos venres, se ben aclarou que "non podemos agardar solucións rápidas, pois é un tema moi complexo e transcendente a longo prazo".

O ata agora adestrador do Autos Lobelle de Santiago, José Venancio López Hierro, deixa o seu cargo para ocuparse plenamente da selección española de fútbol sala. Atrás quedan catro temporadas en Santiago.

O Consorcio presenta a segunda convocatoria do Premio Santiago de Compostela de Cooperación Urbana 2008, destinado á creación e recuperación do espazo urbano en cidades históricas de América Latina. Esta iniciativa reivindica a recuperación da calidade do espazo urbano das súas cidades históricas como xeito de promover proxectos públicos que se orienten a reinventar e fortalecer o papel estrutural que este espazo debe ter.

A nova concelleira de Cultura, Socorro García Conde, e o xerente do Auditorio de Galicia, Paulo Rodríguez, presentaron o programa cultural do mes de xuño. O concerto de Rufus Wainwright ou a representación de O guía do Hermitage, serán algunhas das citas máis importantes do mes.

Dende que se abriu o prazo de inscrición o 14 de abril, máis de 1.000 curtametraxes procedentes de países tan diversos como Uruguai, Malaisia, Australia ou Costa de Marfil inscribíronse no Concurso de Curtametraxes de Curtocircuíto 2008. As películas seleccionadas como finalistas poderán verse durante a Semana Oficial que se celebrará en Santiago do 17 ao 24 de outubro.

O alcalde, Xosé A. Sánchez Bugallo, mantivo unha reunión coa directiva da Asociación de Empresarios do Polígono do Tambre, para falar dos compromisos adquiridos con esta entidade no encontro que mantivo na súa sede hai un ano. Moitos destes compromisos están cumpridos a día de hoxe, como é o caso do acondicionamento da plataforma que se atopa ao carón do edificio da Asociación, e que dá servizo de aparcamento aos traballadores do polígono ou o axardinamento das rotondas.

Os representantes da Asociación Parkinson Compostela, presidida por Carmen Guillín, pasaron por Raxoi, onde foron recibidos polo alcalde compostelán, Xosé A. Sánchez Bugallo.