{*titulo}

O alcalde compostelán, Xosé A. Sánchez Bugallo, visitou algunhas das obras máis importantes en marcha nestes intres da cidade. Así, pasou en primeiro lugar polo aparcadoiro da Choupana, cuxas obras avanzan a bo ritmo. Logo, inspeccionou as obras de urbanización do SUNP-4 do Camiño Francés, onde se construirá a grande área comercial das Cancelas. Entre medias, pasou por Galeras para proceder á apertura ao tráfico da rúa de Domingo García Sabell.

O alcalde compostelán, Xosé A. Sánchez Bugallo, acompañará ao arquitecto Víctor López Cotelo e ao promotor José Otero Pombo, na apertura da Bienal de Arquitectura de Venecia. Alí estará representada Santiago a través de sete obras do devandito arquitecto, seleccionadas polo Ministerio de Vivenda para participar na sección "Nomes, lugares".

O Festival dos Abrazos chega o domingo 31 ao seu fin coa proposta conxunta que ofrecerán ás 22:30 horas na praza da Quintana Aló Irmao e Pesdelán. Aló Irmao, encontro creativo dun dos artistas máis sorprendentes do actual panorama musical de Galicia, Fran Pérez Narf co guitarrista e cantante africano Manecas Costa, compartirá escenario con Guadi Galego, Uxía Cribeiro, Montse Rivera, Mercedes Prieto, Xan Pampín, Carlos Freire e Miguel Flores, Pesdelán, colectivo que se propón recuperar a cultura participativa...

A Asociación ourensá Cadabullo, dedicada á promoción Social de persoas con dificultade de Patoloxía Dual Psíquica, visitou as instalacións da Concellaría de Promoción Económica, Emprego, Comercio e Turismo. O obxectivo da visita era coñecer os proxectos de intermediación e inserción laboral que desenvolve o departamento, os recursos físicos cos que conta e os servizos que presta á cidadanía.

Como en cada edición, e xa van 51, o Concello vén colaborando cos Cursos Internacionais Música en Compostela. O alcalde compostelán clausurará o sábado 30 a convocatoria de 2008, pero antes, Sánchez Bugallo recibiu en Raxoi aos organizadores e participantes nos cursos.

Cadra Santiago é unha creación conxunta do colectivo Escoitar e do Centro Coreográfico Galego concibida como unha paisaxe sonora para ser bailada que chegará o venres 28, ás 21:00 horas, ao xardín de Fonseca, dentro da programación do Festival dos Abrazos.

O venres 29 clausúrase a Bibliopiscina do Multiusos de Sar, que funcionou dentro da programación de Vive o Verán, organizada pola Concellaría de Cultura e Centros Socioculturais e a Concellaría do Medio Ambiente e na que colaborou o Multiusos de Sar. Nas actividades de clausura participará a concelleira de Medio Ambiente, Elvira Cienfuegos. O acto consistirá nunha festa para os máis cativos.

O Festival dos Abrazos achega o xoves 27 e o venres 28 a Santiago de Compostela o bass pilgrim do músico francés Renaud García Fons. A praza de San Martiño Pinario acollerá ás 22:30 horas a peregrinación musical deste contrabaixista de sona internacional a través do tempo e do espazo. Unha viaxe artellada ao redor das cinco suites que integran o programa e que percorren oriente, o mundo árabe, a India e Irán, Roma, Andalucía, África e o novo mundo.

Curtocircuíto na Rúa despide o verán cun concerto na praza da Quintana. Durante os meses de xullo e agosto, o Festival Internacional de Curtametraxes Curtocircuíto, organizado pola Concellaría de Promoción Económica e Turismo e pola Concellaría de Cultura, levou as mellores curtas galegas e mundiais ás rúas de Compostela.

O Goberno local adxudicou definitivamente as obras de rehabilitación da Fonte do Ouro na súa primeira fase, co obxectivo de que estean rematadas a finais de novembro. A Xunta de Goberno extraordinaria amén adxudicou provisionalmente as obras de rexeneración do Monte de Dios.