{*titulo}

Con motivo da festividade do 1 de novembro e por mor do notable incremento de visitantes que ten o cemiterio de Boisaca nestes días, a Sociedade Municipal de Xestión do Transporte Urbano de Santiago (TUSSA), habilitou unha serie de servizos especiais. O horario do cemiterio ata o 2 de novembro é de 9.00 a 19.00 horas.

Tras a aprobación en Pleno dos estudos de detalle do SUNP-12 de Lamas de Abade e do SUNP-11 de Castiñeiriño, o Concello pode xa outorgar as licenzas para a construción de preto de 400 vivendas nestes dous ámbitos. Así o anunciou o alcalde na súa habitual rolda de prensa dos venres.

O alcalde compostelán, Xosé A. Sánchez Bugallo, mantivo unha conversa coa nova presidenta de AENA, Encarnación Vivancos, que vén de tomar posesión do seu cargo. Na mesma, esta comprometeuse a impulsar o inicio das obras.

O concelleiro de Promoción Económica e Turismo, Xosé Manuel Iglesias, presentou no Pazo de Raxoi a Campaña de Desestacionalización da tempada de inverno. Santiago Repetirás dobra o orzamento respecto da anterior edición. O obxectivo é manter o atractivo da cidade nun momento de crise económica internacional, que está a afectar ao sector turístico.

O festival de cinema Cineuropa, organizado pola Concellaría de Cultura, entregará un dos seus premios ao director de cinema bonaerense Pablo Trapero en compañía da súa compañeira Martina Gusmán. A súa quinta e última produción como director, Leonera (2008), estivo nominada á Palma de Ouro en Cannes e foi gañadora de catro premios no Festival de Lima/Encontro Latinoamericano de Cinema.

O alcalde compostelán, Xosé A. Sánchez Bugallo, recibiu en Raxoi ao alcalde de Albufeira, Desidério Jorge da Silva. O obxecto desta xuntanza era fortalecer os vínculos institucionais entre estas dúas cidades cara a futuras colaboracións, especialmente no ámbito turístico.

O concelleiro de Promoción Económica, Emprego, Comercio e Turismo, Xosé Manuel Iglesias, entregou as bandas de escaparatismo aos estabelecementos gañadores da edición de outono do V Concurso Municipal de Escaparatismo SCQ Shopping.

O alcalde compostelán, Xosé A. Sánchez Bugallo, presidiu o Consello de Administración da Empresa Municipal de Vivenda e Solo de Santiago de Compostela (EMUVISSA). O acordo máis importante adoptado foi a aprobación de tres mutuos acordos de expropiación no ámbito do plan de sectorización do SUNP-12 de Lamas de Abade.

O Pleno municipal deu o visto bo, co voto favorable dos tres grupos municipais, á Comisión Especial de Queixas e Suxestións, cuxa sesión constitutiva se celebrará no prazo dun mes. Este órgano nace, segundo explicou a concelleira de Réxime Interior e Reforma Administrativa, Rosa Fernández, para defender os dereitos dos veciños nas súas relacións coa Administración municipal e supervisar a actuación desta.

Praza de San Xoan Bautista de la Salle. Así pasará a denominarse a praza situada a carón do Colexio La Salle, colindante coa rúa Valle Inclán, segundo o acordo adoptado polo Pleno municipal.