{*titulo}

O alcalde compostelán, Xosé A. Sánchez Bugallo, acompañou ao ministro de Industria, Turismo e Comercio, Miguel Sebastián, nun percorrido polos últimos quilómetros do Camiño. Esta peregrinación, na que tamén participaron o vicepresidente e comisario de Industria e Turismo da Comisión Europea, Antonio Tajani; o conselleiro de Cultura e Turismo, Roberto Varela; e o secretario de Estado de Turismo, Joan Mesquida, precedeu ao balance que Goberno e Comisión fixeron sobre a Presidencia española da UE en...

A concelleira de Medio Ambiente, Elvira Cienfuegos, xunto co xefe de Parques e Xardíns, José Antonio Mosquera, e o técnico de Medio Ambiente Ángel Pérez Otero, participarán na xuntanza ordinaria do Comité de Directivo do Proxecto Parques Urbanos Atlánticos-Parkatlantic, que terá lugar os días 1 e 2 de xullo no Hôtel de Ville d’Angers.

O alcalde compostelán, Xosé A. Sánchez Bugallo, viaxa a Santiago do Cacém, cidade portuguesa irmandada con Santiago, para presentar o programa Santiago-Une, incluído no Plan de Difusión Exterior de Compostela.

O Festival dos Abrazos, organizado pola Concellería de Cultura, volve aos espazos singulares de Compostela durante o mes de agosto. Como xa sucedeu en 2009 terá unha sección, os Abrazos Off, que abre o festival ás propostas artísticas da cidadanía.

A Concellaría de Promoción Económica e Turismo de Santiago colaboran na organización da segunda edición do Mercado Atlántico de Creación Contemporánea (MACC 2010), segundo explicaron o concelleiro de Promoción Económica, Emprego, Comercio e Turismo, Xosé Manuel Iglesias, e o presidente de Atlantic Comnection,Vítor Belho.

O Concello de Santiago veu participando durante dous anos no programa europeo GRUNDTVIG "Look at yourself - parents toward situations causing aggression". Do 28 ao 30 de xuño estase a celebrar a última reunión plenaria deste proxecto, á que asisten representantes das entidades dos outros tres países socios.

A Xunta de Goberno adxudicou definitivamente as obras de rehabilitación do aparcadoiro público en Salgueiriños, por importe de 348.000 euros. Tamén en materia de contratacións, iniciouse o procedemento para adquirir mobiliario para o futuro Centro Sociocultural de Santa Marta.

A Comisión de Medio Ambiente do Grupo Cidades Patrimonio está a preparar unha publicación sobre o patrimonio natural das 13 cidades que o conforman. As trece cidades ofrecen, xunto cos seus indubidables atractivos e itinerarios monumentais e culturais, valores e itinerarios naturais.

A mesa de contratación da Sociedade Municipal de Xestión do Transporte Urbano de Santiago (TUSSA), determinou provisionalmente que será a empresa LIMCO, Sociedade Cooperativa Galega de Integración Social a que se faga cargo do servizo para o cobro e control de accesos do aparcadoiro de borde de Santa Marta, por un importe de 29.406,90 euros.

O alcalde compostelán, Xosé A. Sánchez Bugallo, recibiu en Raxoi os membros do Comité Científico do Consello Europeo de Investigación (European Research Council), que están a celebrar en Santiago o seu XXVI Encontro Plenario, no marco da Presidencia española da Unión Europea.