{*titulo}

A Concellería de Participación Cidadá tamén quere celebrar o Entroido con todos os veciños e veciñas de Compostela. Con este fin, a Casa das Asociacións acollerá o sábado 5 de marzo un baile de Entroido. Celebrarase a partir das 18:00 horas e estará amenizado polo grupo musical Luzada.

A concelleira da Cidade Histórica e Rehabilitación, Olga Pedreira, presentou o programa das sesións abertas do congreso Compostela 2021. A cidade intuída, que se celebrará este martes, mércores e xoves no Teatro Principal dende as 17:30 horas. Durante a presentación deste programa, a edil estivo acompañada por Javier Fernández, xefe de servizo da OCHiR e un dos coordinadores do congreso.

O alcalde compostelán, Xosé A. Sánchez Bugallo, visitou a sede da Conferencia de Redes de Cidades Europea Transfronteirizas (CECICN) e da Axencia de Ecoloxía Urbana do Eixo Atlántico (Eixoecoloxía), situada na praza de Camilo Díaz Baliño, fronte á estación de Autobuses.

O Consello de Administración de Emuvissa celebrado acordou a continuación do procedemento de adxudicación do SUNP-37.3 de Costa Vella, non afectado polo recurso, e o rexeitamento do mesmo presentado contra o prego de licitación e proxecto de construción do enlace da N-550 cos ámbitos industriais de Costa Vella e Formarís, continuando o procedemento de licitación.

A edición do Festival Internacional de Curtametraxes, Curtocircuíto, deste ano 2011, a oitava, conseguiu a súa mellor marca de inscricións. O festival, que organiza a Concellaría de Cultura e Centros Socioculturais, rexistrou máis de 3.000 inscricións, polo que os datos veñen a consolidalo como un dos máis importantes festivais de curtametraxes con repercusión xa no ámbito internacional.

As Fontiñas dispón xa dunha renovada zona de lecer infantil que fará as delicias dos máis cativos da zona. Así o puido comprobar a concelleira do Medio Ambiente, Elvira Cienfuegos, que acompañou ao alumnado do CEIP das Fontiñas na reestrea do maior dos tres parques infantís abertos cos que conta o barrio. Coa edil estiveron tamén varias docentes do centro, os responsables da empresa HPC, e o xefe de servizo de Parques e Xardíns, Xosé Antonio Mosquera.

O concelleiro de Festas, Xosé Baqueiro, acompañado polo creador do Meco, José Manuel Méndez, presentou o programa de actividades para o Antroido 2011, que se celebrará entre os días 5 e 9 de marzo.

A Concellaría de Participación Cidadá e Normalización Lingüística convida os cidadáns de Compostela a participar no variado programa do Entroido 2011 do Concello. Así, o Departamento suma dúas actividades dirixidas a pequenos e maiores: un obradoiro de disfraces e un baile de Entroido.

O alcalde compostelán, Xosé A. Sánchez Bugallo, anunciou en rolda de prensa que Emuvissa rexeitará o recurso que solicitaba a suspensión do proceso de licitación da urbanización do polígono industrial de Formarís (SUNP-38) e do nó de enlace coa estrada N-550. Indicou que o aprazamento da mesa de contratación destas dúas obras e da de Costa Vella (SUNP-37.3) se realizara unicamente por prudencia, á espera dos informes xurídicos e técnicos.

A presenza de Santiago de Compostela no Forum Gastronómico, que tivo lugar en Girona do 20 ao 23 de febreiro, conseguiu espertar o interese de numerosos visitantes a esta cita. O stand promocionou a oferta turística de Santiago, e en especial a súa ampla oferta gastronómica, seguindo coa liña estratéxica de Turismo de Santiago de posicionar a cidade nun referente no turismo gastronómico internacional.