{*titulo}

A Empresa Municipal de Vivenda e Solo (Emuvissa) porá en marcha na primeira quincena de marzo unha nova fórmula no concurso para adquisición de varios lotes de terreos destinados á construción dunhas 600 vivendas protexidas. Así o anunciou o alcalde, Xosé A. Sánchez Bugallo, quen resaltou que esta medida pretende facilitar a compra destes solares en tempos nos que as empresas teñen dificultades para acceder ao crédito.

O alcalde compostelán, Xosé A. Sánchez Bugallo, explicou as liñas básicas do Plan de Difusión Exterior de Compostela 2010, no que o Concello vén traballando dende hai tempo e que se concretará nas vindeiras semanas. Segundo indicou, este é un programa que "nace dende o compromiso e a responsabilidade política deste Concello para potenciar e acelerar a difusión e promoción de Santiago e de Galicia en beneficio de todos os galegos".

O Concello emitiu unha serie de avisos en atención ás recomendacións emitidas polos organismos competentes relativas ás precaucións que se deben adoptar ante a previsión dunha intensa borrasca con nivel de alerta vermella que afectará a Galicia entre as 17:00 horas do sábado 27 e as 4.00 h do domingo 28.

O concelleiro de Relacións Institucionais, Andrés Fariña, recibiu en Raxoi a unha representación da Xunta de Goberno do Colexio Profesional de Xornalistas de Galicia, encabezada polo seu decano, Xosé Manuel Pereiro.

O alcalde compostelán, Xosé A. Sánchez Bugallo, e o presidente da Deputación da Coruña, Salvador Fernández Moreda, inauguraron o novo centro sociocultural de Pelamios, situado na rúa Vista Alegre, 9-11.

Da reurbanización dos accesos á cidade vaise beneficiar tamén a rúa Rosalía de Castro, no tramo dende Romero Donallo ata Volta do Castro. O 18 de marzo está previsto que comecen as obras neste vieiro, presupostadas en 3.973.000 euros, co obxectivo de que poidan estar rematadas a finais de 2010 ou principios do 2011.

O grupo de encontro de educadores/as Conxo - Milladoiro inicia unha serie de charlas café, dirixida a nais, pais, profesorado e educadores/as baixo a idea da importancia que ten a familia como axente de socialización. A primeira destas charlas terá lugar mañá venres, ás 18:00 horas, na Casa das Asociacións de Cornes (rúa Manuel Beiras, 3).

"Unha páxina que nace con vontade de informar e formar, mais tamén con vontade de medrar e enriquecerse, para un mellor coñecemento e interpretación ambiental de Compostela e para un maior compromiso ambiental da cidadanía". Con estas palabras, a concelleira de Medio Ambiente, Elvira Cienfuegos, presentou a nova páxina web www.compostelaviva.org. Durante a súa intervención estivo acompañada de María Fernández, da empresa Dimensiona, que foi a...

"O Fórum Gastronómico Santiago 2010, As Cociñas do Atlántico, é o mellor exemplo do modelo de colaboración entres as diferentes administracións públicas e o sector privado para conseguir obxectivos ambiciosos que posicionen a Santiago e Galicia como destinos turísticos de dimensión internacional", dixo o concelleiro de Promoción Económica e Turismo, Xosé Manuel Iglesias, na rolda de prensa de valoración do Fórum Gastronómico, na que estivo acompañado de Pep...

O Pleno da Corporación aprobou por unanimidade a proposta do alcalde de darlle a dúas rúas da cidade os nomes de Agustín Sixto Seco e José Luis Sánchez-Agustino López.