ALCALDÍA
Denominación para doce novas rúas en tres áreas residenciais
O alcalde compostelán anunciou que na Xunta de Goberno do 4 de maio se aprobará a denominación para doce novas rúas nos polígonos residenciais de Tras Paxonal (SUNP14), Pontepedriña (SUP-7) e Lamas de Abade (SUNP-12). Entre estes nomes figura o dos tres garda civís nados en Compostela asasinados polo GRAPO, tal como se comprometera Sánchez Bugallo coa Asociación de Vítimas do Terrorismo o 17 de abril.
ALCALDÍA
Os concellos do Camiño Inglés promocionan esta ruta cunha peregrinación
Un grupo de alcaldes e concelleiros de municipios polos que pasa o Camiño Inglés da provincia da Coruña iniciaron o luns 26 unha peregrinación, que concluíu hoxe en Santiago. O seu obxectivo era promocionar o Camiño Inglés.
PARTICIPACIÓN CIDADÁ
A Concellería de Participación Cidadá organiza os Foros de Participación 2010
O "foro cero" foi o punto de partida. Nel, un amplo abano de representantes sectoriais da cidade reuníronse, invitados pola Concellería de Participación Cidadá, para propoñer os grandes temas de opinión que deben centrar a atención do programa.
CULTURA
Máis de 40 espectáculos e 27 magos encherán a cidade de ilusión no IV Festival Internacional Compostela Máxica
Do 2 ao 8 de maio, a cidade volve encherse de maxia co IV Festival Internacional de Ilusionismo Compostela Máxica. Durante sete días, 27 magos de Galicia e de fóra levarán a ilusión a todos os recunchos da cidade: prazas, centros socioculturais, colexios, hospitais, pubs, Teatro Principal e Auditorio de Galicia.
ALCALDÍA
Visita ao Concello dos participantes no XVIII Congreso de Periodipesca
O alcalde compostelán, Xosé A. Sánchez Bugallo, recibiu en Raxoi os participantes no XVIII Congreso de Periodipesca. Este evento reúne en Rodeiro (Pontevedra) a uns cen xornalistas especializados en temas de caza, pesca, natureza, turismo rural e aventura.
EDUCACIÓN
Os gañadores de "Coñecer as Cidades Patrimonio", recibidos en Segovia
A concelleira de Patrimonio Histórico e Turismo de Segovia, Claudia de Santos, recibiu o grupo de 15 alumnos e 3 profesores del IES de SAR, gañadores composteláns da IX edición do Programa Educativo "Coñecer as Cidades Patrimonio".
ALCALDÍA
O Centro Sociocultural de Laraño amplía as súas instalacións e servizos
O alcalde compostelán, Xosé A. Sánchez Bugallo, acompañado pola concelleira de Cultura e Centros Socioculturais, Socorro García Conde, inaugurou o remodelado e ampliado Centro Sociocultural de Laraño. Tras un investimento de 400.000 euros, os veciños dispoñen agora de dous novos espazos, unha sala de usos múltiples e unha sala de xuntas.
ALCALDÍA
Albert Fert, outro Nobel que deixa a súa sinatura no Libro de Honra da Cidade
O alcalde compostelán, Xosé A. Sánchez Bugallo, recibiu o Nobel de Física en 2007, o francés Albert Fert, que está en Santiago para participar no programa ConCiencia, organizado polo Consorcio e a Universidade de Santiago.
ALCALDÍA
O alcalde proponlle aos europarlamentarios a inclusión dunha sección sobre o Camiño de Santiago no Museo de Europa
O alcalde compostelán, Xosé A. Sánchez Bugallo, propúxolle aos representantes da Comisión de Cultura e Educación do Parlamento a inclusión dunha sección dedicada ao Camiño de Santiago no Museo de Europa, en Bruxelas. O vicepresidente desta Comisión, Morten Lokkegaard, acolleu moi favorablemente esta proposta e comprometeuse a estudala.
MOBILIDADE
As enquisas de mobilidade constatan a influencia das novas áreas residenciais
O concelleiro de Mobilidade e Transportes, Carlos Nieves, presentou os principais resultados das enquisas sobre a mobilidade na área metropolitana de Santiago realizadas pola Sociedade Municipal de Transporte Urbano de Santiago (TUSSA). Entre outros datos, os cuestionarios revelan que os veciños de Santiago e Comarca realizan máis de 385.000 desprazamentos ao día.
