{*titulo}

As concelleiras de Benestar Social e Emprego, Paula Prado, e de Medio Ambiente, María Castelao, achegáronse ás instalacións de xestión integral de residuos non perigosos que Coregal ten no polígono da Costa Vella para comprobar de primeira man os traballos de tratamento de refugallos que alí se fan.

A praza do Obradoiro acolleu a saída neutralizada da etapa número 13 da Volta Ciclista a España, con destino Ferrol. 27 anos despois, a cidade volvía acoller unha saída desta proba ciclista, que o público puido seguir por varias rúas do Casco Histórico. Este evento deportivo, que tamén congregou numerosos visitantes, pechou un mes de agosto histórico dende o punto de vista turístico, do que dan conta as máis de 45.000 consultas realizadas na oficina de Turismo de Santiago.

A concelleira de Facenda, Cecilia Sierra, presentou as cifras da Conta Xeral 2011 do Concello, que reflicten unha mellora dos niveis de solvencia, os primeiros pasos cara a estabilidade financeira e o déficit 0 e unha redución do endebedamento. As contas seguen arrastrando un remanente negativo de tesourería, derivado de exercicios anteriores.

O xoves 30 de agosto finalizou Curtocircuíto na Rúa –iniciativa da Concellería de Cultura-, despois de catro semanas de proxeccións de curtametraxes nas rúas do casco histórico compostelán. Estas sesións estivais ao aire libre achegan Curtocircuíto aos espectadores que visitan a cidade na época de verán. Así máis de 1.000 persoas puideron gozar cun percorrido polas últimas novidades do cine de curta duración que se están a realizar en todo o mundo: Volta ao Mundo 1 na praza...

O concelleiro de Medio Rural, Luis García Bello visitou as obras de reforzo do firme que se están a executar en San Marcos, acompañado por veciños da zona e técnicos municipais.

A Xunta de Goberno Local, na súa sesión ordinaria, aprobou as listas definitivas de admitidos e agarda para a Escola Infantil Municipal de Meixonfrío-Salgueiriños. Ofrecíanse 102 prazas, das que 86 quedaron cubertas.

Os orzamentos do Estado para 2012 consignan unha subvención ao Concello de Santiago para o acondicionamento e valorización o Castelo de "A Rocha Forte", por importe dun millón de euros. Agora acaba de iniciarse a tramitación e redacción o Plan Especial do Parque Arqueolóxico da Rocha.

O alcalde compostelán, Ángel Currás; o presidente da Deputación da Coruña, Diego Calvo, e o concelleiro de Deportes, Adrián Varela, presentaron a décimo terceira etapa da Volta a España, que sairá de Santiago o venres 31 con destino a Ferrol. Esta será a décima ocasión na que a proba ciclista terá chegada ou saída na cidade o longo da súa historia. A última vez que Santiago acolleu un inicio de etapa foi en 1985.

A concelleira de Familia, Benestar Social, Muller e Emprego, Paula Prado, e a directora xeral de Promoción do Emprego, Amparo González, presentaron os dípticos informativos nos que se establecen os requisitos para que os empresarios poidan solicitar os programas de axudas á contratación postos en marcha pola Consellería de Traballo e Benestar. O acto celebrouse na sede da Confederación de Empresarios de Galicia.

A concelleira de Benestar, Paula Prado, visitou a residencia sociocomunitaria e centro de día da Porta do Camiño no marco da campaña Hidráta-T, unha acción tomada dende o Equipo de Dinamización Social Urbana Santiago Norte e que busca a prevención de problemas de deshidratación en persoas maiores, e que con accións como esta busca sensibilizar sobre a importancia de beber auga de xeito habitual.