{*titulo}

Na última sesión da Xunta de Goberno Local deuse conta da subvención que a Consellería de Traballo concede ao Concello para a realización do programa de formación "Emprego Santiago", enfocado á inserción laboral de persoas desempregadas.

A edil de Obras e Infraestruturas, María Castelao, deu conta en rolda de prensa das novas irregularidades atopadas no seu departamento relativas ao contrato de reforzo do firme en vías municipais 2010.

A tres días de dar comezo, a I Feira Internacional de Emprego (FIE) conta xa cos datos definitivos de participación de empresas, candidatos e postos de traballo ofertados.

Por mor das festividades de Todos os Santos e Defuntos, o horario de apertura do cemiterio de Boisaca será de 9.00 a 19.00 horas ata o 2 de novembro. Ademais, polo notable incremento de visitantes deste cemiterio nestas datas, reforzarase o servizo de transporte urbano.

O equipo español de natación sincronizada foi recibido no Pazo de Raxoi polo alcalde compostelán, Xerardo Conde Roa. Antes, mantiveron un encontro co presidente da Xunta, Alberto Núñéz Feijoo.

A Concellería de Benestar Social, levará a cabo un programa de prevención de drogodependencias dirixido á poboación adolescente co fin de consolidar formas de ocio alternativas. As primeiras actividades terán lugar esta tarde na praza Roxa e mañá sábado entre as 10 e as 12 en Cornes.

O director da Academia Galega de Seguridade Pública (Agasp), José Carlos García Bouzas, e o alcalde de Santiago, Xerardo Conde Roa, asinaron esta mañá un convenio de colaboración para a formación continua dos bombeiros municipais.

O pazo de Raxoi foi o escenario da presentación da segunda edición da Guía Verde sobre o Camiño de Santiago, editada polo Touring Club Italiano. O acto estivo presidido polo alcalde compostelán, Xerardo Conde Roa, e o presidente de Caminos de Europa, Alessandro Cardinale.

O 9 de novembro Cineuropa levanta o telón da que vai ser a súa vixésimo quinta edición. Entre ese día e o 2 de decembro, o festival que organiza o Concello de Santiago, a través da Concellería de Cultura, e dirixe José Luis Losa ten preparada unha das programacións máis ambiciosas da súa historia, tanto polo esforzo no nivel do cine seleccionado –no que figura o máis sobresaínte dos certames internacionais celebrados ao longo do ano-, como por algunhas actividades especiais que acompañarán...

A Concellería de Transportes preparou para os vindeiros días sendos servizos especiais para facilitar a asistencia ao partido do Obradoiro (domingo 30) e para o cemiterio de Boisaca por mor do día de Defuntos (martes 1). Asimesmo informa das modificacións por mor da Celebración da Carreira Pedestre Popular (domingo).