{*titulo}

Finalizaron as Mañás de verán e as Mañás de xogo nos centros socioculturais de Vite, Conxo, As Fontiñas e Santa Marta, e nos locais socioculturais de Nemenzo e A Gracia. 180 nenos e nenas participaron nas actividades destas dúas iniciativas, incluídas no programa Vive o verán, da Concellería de Centros Socioculturais.

O antigo cemiterio de San Domingos de Bonaval acolleu un acto de homenaxe civil ás vítimas do accidente ferroviario do pasado 24 de xullo organizado polo Parlamento de Galicia, a Xunta e o Concello de Santiago. O alcalde, Ángel Currás, e a Corporación asistiron a esta cerimonia, na que interviñeron representantes dos familiares, dos veciños de Angrois e dos equipos que participaron no dispositivo de emerxencia.

Santiago de Compostela acollerá o 24 e o 25 de agosto o Campionato de España de Ultimate (1ª Division Open) sobre herba. O concelleiro de Deportes, Adrián Varela, presentou esta competición de disco voador, que será organizada por un novo club santiagués, o Xabaríns Ultimate.

A concelleira de Sostibilidade, María Pardo, ofreceu máis detalles da reunión mantida polo alcalde, Ángel Currás, co secretario de Estado de Medio Ambiente, Federico Ramos. Así, indicou que o compromiso de melloras provisionais na actual depuradora estará incluída no convenio de execución e explotación da nova EDAR que se asinará en setembro por Concello, Xunta e Aqua España.

Efectivos de Protección Civil participaron na parroquia do Carballal na terceira e última xornada de recuperación da carballeira de Tarrío, dentro do programa de voluntariado ambiental. A actividade, que tivera dúas xornadas máis os días 16 e 23 de xullo, tiña como obxectivo promover a concienciación e sensibilización da poboación nova sobre o medio.

O alcalde compostelán, Ángel Currás, reuniuse en Madrid co secretario de Estado de Medio Ambiente, Federico Ramos, ao que lle formulou a demanda de medidas provisionais que reduzan os vertidos ao río Sar da vella depuradora namentres non se constrúe a nova estación depuradora de augas residuais (EDAR) do Souto. Da reunión tamén saíu o compromiso de reanudar de inmediato as obras do colector, paralizadas dende hai dous anos. O convenio entre Concello, Xunta e Aqua España para a execución e explotación da...

A xunta de voceiros do Concello de Santiago de Compostela, celebrada hoxe ás 11.00 horas e presidida polo alcalde compostelán, Ángel Currás, acordou propoñer a concesión da Medalla de Ouro da cidade aos veciños de Angrois.

A concelleira de Obras e Infraestruturas, María Pardo, deu conta do inicio de varias actuacións no medio rural, destinadas a limpar as parcelas e cunetas das parroquias do rural e a mellorar o firme das súas pistas.

A Concellería de Benestar Social fixo público o listado de subsanación de solicitudes e documentación das bolsas de comedor escolar para o curso 2013/2014. Tamén se pode consultar esta listaxe nos taboleiros de anuncios da Concellaría da Área de Servizos Sociais e Oficina de Información e Atención ao Cidadán.

A Catedral de Santiago acolleu o funeral oficial polas 79 vítimas do accidente ferroviario de Angrois, acontecido o pasado 24 de xullo. Familiares das vítimas asistiron a esta cerimonia, que tamén se puido seguir a través dunha pantalla xigante dende a praza da Quintana.