{*titulo}

O Concello vai realizar reformas no Estadio de San Lázaro co fin de evitar recargas por reactiva na factura da enerxía eléctrica. Esta actuación enmárcase nas medidas adoptadas polo Goberno municipal para a creación dun espazo urbano intelixente e eficiente.

A concelleira de Muller e Igualdade, María Castelao; xunto co presidente da Deputación da Coruña, Diego Calvo; a secretaria xeral de Igualdade, Susana López Abella; e o subdelegado do Goberno na Coruña, Jorge Atán, clausuraron o I Congreso Nacional de Intervención e Prevención da Violencia de Xénero, que se celebrou no Hotel Oca Puerta del Camino.

O alcalde compostelán, Ángel Currás, presidiu o acto de inauguración do novo cruceiro da parroquia de Angrois, situado no campo da festa e que lembra as vítimas do accidente ferroviario do 24 de xullo. Tras á cerimonia, á que tamén asistiron outros membros da Corporación, celebrouse un magosto organizado pola Asociación de Veciños da parroquia, coa colaboración do grupo de gaitas e pandereteiras da Colexiata de Sar.

Os concelleiros Francisco Noya e María Pardo asistiron á inauguración do Belén de Conxo, situado un ano máis na rúa Torrente.

A Sala Capitol acolleu o concerto final do VI Certame MúsicaXove, no que actuaron os catro grupos finalistas: Turbolaser (Santiago), Hellorice (Santiago), Persé (Teo) e Neko e Daso (Poio). Rematadas as actuacións, fíxose pública a decisión do xurado, que elixiu como gañador desta edición a Hellorice. Turbolaser obtivo o segundo premio e Persé levou o premio especial do xurado.

Este sábado, ás 17:30 horas, inaugurarase no campo da festa de Angrois o novo cruceiro da parroquia, en lembranza ás vítimas do accidente ferroviario do 24 de xullo. O alcalde compostelán, Ángel Currás, presidirá a cerimonia, á que tamén asistirán outros membros da Corporación. A continuación celebrarase un magosto organizado pola Asociación de Veciños da parroquia, coa colaboración do grupo de gaitas e pandereteiras da Colexiata de Sar.

O concelleiro de Deportes, Adrián Varela, presentou o Club Atletismo Santiago, unha entidade que nace co obxectivo de acoller a aqueles atletas dunha franxa de idade entre os 15 e os 22 anos para que sigan practicando este deporte. Non obstante, o club xorde pretende fomentar a práctica do atletismo en xeral.

A concelleira de Turismo, Reyes Leis, presentou o novo logo de Turismo de Santiago. Trátase dunha imaxe composta de tres elementos. O central e máis destacado é o propio nome da cidade, Santiago de Compostela. O segundo, na parte superior, un esbozo da Catedral vista dende a Alameda, cunha perspectiva máis ampla que a imaxe tradicional dende o Obradoiro. O terceiro elemento, na parte inferior, é Turismo, que sirve para situar a empresa municipal como a entidade encargada da promoción turística da cidade.

A concelleira de Comercio, Reyes Leis, acompañada da técnico de Comercio Lucía Castro, presentou a campaña de dinamización comercial Amor de barrio, que se desenvolverá no mes de decembro dentro do Urbana Santiago Norte, programa cofinanciado pola Unión Europea con cargo ao Fondo europeo de Desenvolvemento Rexional.

Máis de 3.000 persoas participaron nas dúas xornadas do Foro de Intermediación e Emprego, unha iniciativa da Concellería de Economía e Emprego de Santiago que pechou as súas portas no Pazo de Congresos e Exposicións tras acoller a celebración de máis de 35 actividades de formación laboral e 110 sesións de encontros con empresas.