{*titulo}

A Corporación municipal, nun pleno extraordinario, aprobou definitivamente o orzamento municipal para 2014, que prevé ingresos e gastos polo mesmo importe: 100.941.779 euros.

Celebrouse na Sala Sonar a terceira e última final do I Certame de Música SantiAutor para artistas noveis, organizado pola Concellería de Xuventude e a devandita sala. Nesta xornada actuaron Sheila Patricia, Daniel Royo, Miguel Alonso, e Carlos Valiño. A concelleira de Xuventude, Rebeca Domínguez, achegouse ata o concerto.

Do 2 ao 4 de marzo desenvolverase en Leitariegos (León) o campamento de iniciación ao esquí Imos á neve, organizado pola Concellería de Xuventude. Un grupo de mozos e mozas de 14 a 20 anos participará neste programa, que combinará as clases de esquí con actividades de inglés e xogos.

O concelleiro de Barrios e Brigada de Vías e Obras, Juan de la Fuente, visitou as obras que se levaron a cabo na rúa Chan de Curros, no barrio de Guadalupe. Esta actuación está incluída no programa de obras posto en marcha polo Concello neste barrio con cargo aos orzamentos de 2013, cun custo total duns 200.000 euros.

O aeroporto de Santiago terá no 2014 a mellor conectividade internacional da súa historia, segundo apuntou a concelleira de Turismo, Reyes Leis, nunha rolda de prensa celebrada no Pazo de Raxoi na que valorou o cadro de conexións internacionais de Lavacolla. Na temporada de verán, o aeroporto contará con trece conexións internacionais, entre as que se inclúen as novas conexións de Vueling a Roma, Bruxelas e Ámsterdam, tres rutas tradicionalmente demandadas polo sector turístico da cidade.

O domingo 30 de marzo, Pablo Díaz e a súa banda animarán os nenos e nenas a cantarlle en galego á alegría e á amizade co espectáculo musical Toc Toc, baseado no libro-disco co mesmo nome publicado recentemente. Esta actuación chega a Compostela da man da Rede de Dinamización Lingüística da Xunta de Galicia, da que forma parte o Concello de Santiago a través da Concellería de Normalización Lingüística.

Comeza o mes de marzo cunha nova cita do programa Imos ao baile 2104, actividade para maiores promovida pola Concellería de Centros Socioculturais e Relacións Veciñais.

A Xunta de Goberno, na súa sesión ordinaria, aprobou o calendario de prazos de admisión e matrícula nas escolas infantís municipais de Conxo, Fontiñas e Meixonfrío-Salgueiriños para o curso 2014-2015. Tamén acordou solicitar á Xunta de Galicia unha nova edición do Obradoiro de Emprego Santiago Impulsa.

O alcalde compostelán, Ángel Currás, presidiu o acto de entrega formal de certificacións de calidade logradas polo Concello de Santiago nos ámbitos do Medio Ambiente (ISO 14000, normas UNE 58451 e UNE 58923). As credenciais foron outorgadas pola certificadora EQA.

Asinouse en Raxoi un convenio de colaboración en materia de emprego entre o Concello de Santiago e EQA. O acto contou coa presenza de Reyes Leis, Primeira tenente de Alcalde e concelleira da Área de Economía e Emprego, e Ignacio Martínez, director de EQA.