{*titulo}

O alcalde de Santiago, Agustín Hernández, inaugurou o Foro Modernización e Calidade na Administración Local, organizado polo Grupo Correo Gallego no Hotel Monumento San Francisco. Na súa intervención falou sobre implantación da Administración electrónica no Concello de Santiago, apostando por "estruturas máis operativas e eficientes", un plan de modernización e a "reestruturación espacial" da prestación dos servizos.

O Departamento de Xuventude convoca o Vll Certame MúsicaXove co obxectivo de promocionar, impulsar e canalizar a creatividade musical da mocidade. O prazo de inscrición no certame estará aberto ata o 31 de outubro.

Os vindeiros días 11 e 12 de outubro de 2014, a Sociedade Canina Galega celebrará as súas 71ª Exposición Nacional Canina C.A.C, 72ª Exposición Nacional Canina C.A.C. & 30 Exposición Internacional Canina C.A.C.I.B no Recinto Feiral de Amio. O Concello de Santiago patrocina este evento, que xa supera os 500 cans inscritos de máis de 150 razas diferentes.

Este sábado 4 de outubro, coincidindo co Día das Aves, o Centro de Interpretación Ambiental de Compostela (CIAC), inicia un ciclo de relatorios divulgativos e exposicións sobre a biodiversidade na cidade. Celebraranse de outubro a febreiro.

Celebrouse na sede da Casa de Galicia en Madrid a reunión da Comisión de Patrimonio e Cidade do Grupo de Cidades Patrimonio da Humanidade de España. A concelleira de Cultura e Patrimonio, María Antón, participou na xuntanza, presidida por Miguel Ángel Nieto, alcalde de Ávila e presidente desta Comisión.

Curtocircuíto, Festival Internacional de Curtametraxes, ten o seu acto de presentación este mércores na Zona C, ás 21:30 horas, co espectáculo Paraíso Tabú—Naufraxio no acústico sur— a cargo de Música Prepost.

O alcalde de Santiago, Agustín Hernández, recibiu o alcalde do municipio de Aguascalientes (México), Juan Antonio Martín del Campo.

A concelleira de Economía, Reyes Leis, presentou no Pazo de Raxoi o programa de axudas á creación e modernización de empresas dentro do proxecto Urbano Santiago Norte, dotado cun orzamento de 65.000 euros. Estas axudas enmárcanse nunha iniciativa máis ampla, denominada Mellorar e medrar en Santiago Norte, que se desenvolverá nos meses de outubro e novembro e que está cofinanciada pola Unión Europea, a través do Fondo Europeo de Desenvolvemento Rexional.

O Grupo de Cidades Patrimonio da Humanidade de España convoca a segunda edición do programa pedagóxico Aula de Patrimonio, coincidindo co inicio do curso escolar 2014-2015. O obxectivo desta actividade, na que participaron preto de 400 alumnos na súa anterior edición, é que os mozos que viven e estudan nas Cidades Patrimonio aprendan a coñecer e valorar non só a súa propia cidade, senón o resto de cidades que ostentan o mesmo título outorgado pola UNESCO, todo iso a través da realización de...

O XV Ciclo de Lied chega ao seu fin este martes 30 de setembro cun concerto moi especial, xa que se trata da primeira vez que poderemos escoitar en Galicia ao barítono parisiense Laurent Naouri. Naouri presenta o programa A chanson francesa e os seus poetas a partir das 20:30 horas no Teatro Principal, acompañado ao piano por Roger Vignoles. As entradas para este concerto teñen un prezo de 8 euros e poden mercase no despacho de billetes do Teatro Principal (aberto de 18:00 a 21:00 horas), en