FESTAS

Sorteados os convites para presenciar o espectáculo dos Fogos do Apóstolo

13/07/2018 Xa se coñecen os nomes das 25 persoas gañadoras dos convites dobres para presenciar, cos/coas seus/súas acompañantes, o espectáculo dos Fogos do Apóstolo dende un espazo habilitado a carón do Hostal dos Reis Católicos. Estas 50 persoas tamén poderán asistir ao concerto previo da Real Filharmonía de Galicia.

Realizado o sorteo, os/as 25 premiados/as serán contactados/as por correo electrónico polo Concello para comunicarlles o outorgamento do convite e as instrucións de acceso ao lugar habilitado. Co obxectivo de que todo funcione correctamente habilitaranse tres días (martes 17, mércores 18 e xoves 19) para que as persoas gañadoras se acheguen ao Concello, en horario de 9:00 a 14:00 horas, para recoller as invitacións.

Estes convites dobres súmanse aos 25 xa entregados como premio a participantes na iniciativa ambiental Tropa Verde. O Goberno local segue así a cumprir co seu compromiso de abrir o espazo municipal e os seus actos á cidadanía. Igual que o ano pasado, os Fogos seguirán a proxectarse sobre o Pazo de Raxoi, quedando este edificio inhabilitado para poder usarse como espazo para presenciar o espectáculo.

Documentos relacionados



Compartir: