TURISMO
O turismo internacional tamén continuou crecendo no pasado mes de xullo, chegando xa ata as 75.784 pernoctacións, a mellor cifra de pernoctacións internacionais nun mes de xullo da historia. Trátase dun crecemento do 3,61% respecto a xullo do ano pasado, e do 33,16% respecto a xullo do Ano Santo 2016, unha evolución que amosa o camiño cara a internacionalización da demanda turística que está seguindo a cidade.
Os datos de xullo confirman a evolución positiva da demanda turística no 2016. Nos sete primeiros meses do ano, Santiago suma xa 723.715 pernoctacións, das cales 380.251 foron de turistas domésticos e 343.464 de turistas internacionais. É a primeira vez que se superan as 700.000 pernoctacións neste período, salvo o Ano Santo 2010. Estes datos van na liña do obxectivo de Turismo de Santiago para o conxunto do 2016 de superar as 1.300.000 pernoctacións por primeira vez nun ano non Santo.
A cidade vive o mellor mes de xullo en pernoctacións da última década polo crecemento do turismo doméstico
24/08/2016 Os datos do INE do mes de xullo confirman a boa evolución do sector turístico na cidade en relación ás pernoctacións. En especial, confirman a recuperación da demanda doméstica, que sufriu un claro retroceso e estancamento dende o comezo da crise económica no 2008. No pasado mes sumáronse 172.842 pernoctacións, cun crecemento do 12,79% respecto ao mes de xullo do ano pasado. É a mellor cifra de pernoctacións no mes de xullo da última década, por riba das cifras do Ano Santo 2010, cando houbo 151.609, e de xullo do ano pasado, cando se chegou a 153.241.
O crecemento do pasado mes de xullo apoiouse na recuperación da demanda doméstica, que creceu máis dun 20% e achegouse por primeira vez dende xullo do Ano Santo ás 100.000 pernoctacións. Foron 97.058, unha cifra que amosa tanto o atractivo das Festas do Apóstolo coma o impacto de actividades promocionais como Compostela, destino cinco estrelas, organizada pola Asociación Hostalería Compostela coa colaboración de Turismo de Santiago na primeira quincena do mes.O turismo internacional tamén continuou crecendo no pasado mes de xullo, chegando xa ata as 75.784 pernoctacións, a mellor cifra de pernoctacións internacionais nun mes de xullo da historia. Trátase dun crecemento do 3,61% respecto a xullo do ano pasado, e do 33,16% respecto a xullo do Ano Santo 2016, unha evolución que amosa o camiño cara a internacionalización da demanda turística que está seguindo a cidade.
Os datos de xullo confirman a evolución positiva da demanda turística no 2016. Nos sete primeiros meses do ano, Santiago suma xa 723.715 pernoctacións, das cales 380.251 foron de turistas domésticos e 343.464 de turistas internacionais. É a primeira vez que se superan as 700.000 pernoctacións neste período, salvo o Ano Santo 2010. Estes datos van na liña do obxectivo de Turismo de Santiago para o conxunto do 2016 de superar as 1.300.000 pernoctacións por primeira vez nun ano non Santo.