EMPREGO
Cursos, obradoiros prácticos, seminarios e relatorios integraron un programa formativo que permitiu aos participantes obter unha certificación que lles suporá unha mellora nos seus currículos. A Concellería de Economía e Emprego tiña como obxectivo desta iniciativa mellorar as posibilidades de inserción dos cidadáns de Santiago e, neste sentido, a oferta de formación foi acollida de forma moi positiva. "Nos tempos que vivimos, todo o que axude a atopar un traballo é sempre benvido. E máis aínda se é de balde", afirmaba un asistente tras participar nun dos obradoiros gratuítos celebrados durante as dúas xornadas. "Eu fixen un curso que había tempo que tiña ganas de facer, así que levo moi boa impresión do Foro. Espero que se repita outros anos", explicou outro dos participantes.
"Como está claro que ter unha carreira universitaria xa non é suficiente para acceder ao mercado laboral, viñemos participar en varios obradoiros relacionados coa nosa formación e de paso a informarnos sobre autoemprego", comentaban un grupo de mozos recentemente licenciados, que se achegaron aos stands da Axencia Local de Colocación e das entidades do Pacto Local polo Emprego, nos que se desenvolveu unha intensa actividade de información e asesoramento. Segundo un destes rapaces, "ás veces sénteste algo perdido, sen saber exactamente os pasos que tes que seguir para buscar traballo; entón este tipo de foros veñen moi ben para velo todo un pouco máis claro". "Veño informarme sobre todo o relacionado cos autónomos", explicou outra das persoas que se achegaron a estes stands.
Entre as máis de 50 empresas que participaron no FIE, 16 delas ofreceron ao longo dos xoves e o venres diversos encontros con todos aqueles interesados e coñecer as súas actividades e políticas de selección de persoal. Máis de 1.500 persoas tiveron a oportunidade de charlar cos responsables destas empresas e entregarlles os seus currículos. "Pareceume moi útil que no mesmo sitio houbera a posibilidade de asistir a cursos con diploma e charlar despois con responsables de empresas, que che expliquen o que de verdade lles interesa nun futuro traballador".
"Eu vin ata aquí polo servizo de orientación laboral que anunciaban. Ademais aproveitei para dixitalizar o meu currículo", explicou unha das usuarias da Zona Multimedia que se habilitou no hall principal do Palacio de Congresos para facilitar a activación de usuarios na Axencia Local de Colocación, que actualmente presta servizos de intermediación laboral a preto de 20.000 persoas.
O Foro da Intermediación e o Emprego pechou as súas portas coa participación de máis de 3.000 persoas
29/11/2013 Máis de 3.000 persoas participaron nas dúas xornadas do Foro de Intermediación e Emprego, unha iniciativa da Concellería de Economía e Emprego de Santiago que pechou as súas portas no Pazo de Congresos e Exposicións tras acoller a celebración de máis de 35 actividades de formación laboral e 110 sesións de encontros con empresas.
O alcalde compostelán, Ángel Currás, acompañado por Reyes Leis, concelleira de Economía e Emprego, asistiron á clausura deste Foro, no que tamén se deron a coñecer as actividades da Axencia Local de Emprego, así como das entidades asinantes do Pacto Local polo Emprego.Cursos, obradoiros prácticos, seminarios e relatorios integraron un programa formativo que permitiu aos participantes obter unha certificación que lles suporá unha mellora nos seus currículos. A Concellería de Economía e Emprego tiña como obxectivo desta iniciativa mellorar as posibilidades de inserción dos cidadáns de Santiago e, neste sentido, a oferta de formación foi acollida de forma moi positiva. "Nos tempos que vivimos, todo o que axude a atopar un traballo é sempre benvido. E máis aínda se é de balde", afirmaba un asistente tras participar nun dos obradoiros gratuítos celebrados durante as dúas xornadas. "Eu fixen un curso que había tempo que tiña ganas de facer, así que levo moi boa impresión do Foro. Espero que se repita outros anos", explicou outro dos participantes.
"Como está claro que ter unha carreira universitaria xa non é suficiente para acceder ao mercado laboral, viñemos participar en varios obradoiros relacionados coa nosa formación e de paso a informarnos sobre autoemprego", comentaban un grupo de mozos recentemente licenciados, que se achegaron aos stands da Axencia Local de Colocación e das entidades do Pacto Local polo Emprego, nos que se desenvolveu unha intensa actividade de información e asesoramento. Segundo un destes rapaces, "ás veces sénteste algo perdido, sen saber exactamente os pasos que tes que seguir para buscar traballo; entón este tipo de foros veñen moi ben para velo todo un pouco máis claro". "Veño informarme sobre todo o relacionado cos autónomos", explicou outra das persoas que se achegaron a estes stands.
Entre as máis de 50 empresas que participaron no FIE, 16 delas ofreceron ao longo dos xoves e o venres diversos encontros con todos aqueles interesados e coñecer as súas actividades e políticas de selección de persoal. Máis de 1.500 persoas tiveron a oportunidade de charlar cos responsables destas empresas e entregarlles os seus currículos. "Pareceume moi útil que no mesmo sitio houbera a posibilidade de asistir a cursos con diploma e charlar despois con responsables de empresas, que che expliquen o que de verdade lles interesa nun futuro traballador".
"Eu vin ata aquí polo servizo de orientación laboral que anunciaban. Ademais aproveitei para dixitalizar o meu currículo", explicou unha das usuarias da Zona Multimedia que se habilitou no hall principal do Palacio de Congresos para facilitar a activación de usuarios na Axencia Local de Colocación, que actualmente presta servizos de intermediación laboral a preto de 20.000 persoas.