Xoves 22 de xuño 2017

Axenda

Festas de San Xoán

Un mercado tradicional, roteiros, obradoiros, contacontos, música e moito máis para celebrar o San Xoán en Compostela.

Do 22 ao 24 de xuño, en varios espazos da cidade.

Axenda

Mostra Internacional de Ilustración Contemporánea

Exposición colectiva de máis dun centenar de pezas representativas do que se está a facer dentro da área da ilustración de vangarda a nivel mundial.

Do 21 de marzo ao 25 de xuño, no Auditorio de Galicia.

Axenda

"Mirando a cidade. Un paseo pola historia de Compostela", exposición fotográfica sobre a evolución urbana da cidade

Baixo o título Mirando a cidade. Un paseo pola historia de Compostela, esta exposición de fotografías mostra a evolución da cidade de Santiago, dende as súas orixes ata a actualidade, a través de lugares emblemáticos pertencentes a diferentes épocas históricas. Son un total de 61 instantáneas de 58 autores e autoras diferentes, integrados na Asociación Cultural Fotoforum Compostela. Recolle espazos tan diversos como a necrópole neolítica Chans de Figueiras, o Pazo de Xelmírez, o Pazo de Monroy, a Casa do Deán, o Pazo de Raxoi, a Finca do Espiño, o Pazo de Santa Cruz, a Cidade da Cultura, a dársena da Avenida Xoán XXIII, a Facultade de Ciencias da Comunicación, a estación do tren…

Ata finais de xuño, na Casa do Cabido.

Axenda

"Os mundos de Carlos Casares", exposición na Zona "C"

A exposición celebra a vida e obra do escritor ourensán na clave dun percurso vital, unha viaxe polo tempo e polo espazo.

Ata o 25 de xuño, na Zona "C".

Axenda

Apego: programación infantil e familiar

O programa Apego aglutina toda a programación infantil e familiar en Compostela, con propostas moi diversas para todo o mes.

Durante todo o mes de xuño, en diversos espazos da cidade.

Axenda

Antón Lamazares: "Flor Novoneyra"

O testamento pictórico do pintor que quixo ser poeta. Exposición que reúne a dous grandes da nosa cultura: Antón Lamazares e Uxío Novoneyra.

Ata o 17 de setembro, no Museo Centro Gaiás (Cidade da Cultura).

Axenda

Vari Caramés: "Ventá ao insólito"

Vari Caramés é un dos artistas galegos con maior proxección e recoñecemento nacional e internacional. A súa obra fotográfica posúe unhas características estilísticas que identifican con claridade a autoría das pezas, xa que as veladuras nas súas imaxes son unha constante.

Ata o 2 de setembro, no Centro Cultural Afundación.

Axenda

Sons mexicanos pola Banda Municipal en Praterías

A Banda Municipal de Música, dirixida nesta ocasión polo mestre convidado Patricio Méndez Garrido, ofrece un novo concerto do seu Ciclo de Verán.

O xoves 22 de xuño, ás 20:00 horas, na praza das Praterías.

Axenda

Mostras permanentes e temporais na Fundación Granell

A Fundación Eugenio Granell acolle nas súas salas varias exposicións temporais e permanentes.

Durante todo o ano, na Fundación Granell.

Compartir: