Domingo 10 de decembro 2017

Axenda

"O Camiño Francés a Santiago", polo Mestre Munehiro Ikeda

Selección da reprodución dos debuxos realizados por Munehiro Ikeda na súa obra El Camino de Santiago en España, realizado nos anos 1983-1984.

Do 9 de novembro o 31 de decembro, no Museo das Peregrinacións e de Santiago.

Axenda

Exposición de esculturas do Mestre Mateo

A mostra permite ver reunidas por primeira vez pezas dispersas do patrimonio do artista que pertenceron a conxuntos e partes da Catedral de Santiago actualmente desaparecidos.

Do 20 de xullo de 2017 ata o 23 de febreiro de 2018, no Pazo de Xelmírez.

Axenda

"Modelo X armar", exposición de artistas galegos no CGAC

Parafraseando o título de, se cadra, a novela máis experimental de Xulio Cortázar, 62/Modelo para armar, abórdase a colección coma un modelo por construír.

Do 9 de novembro ao 28 de xaneiro, no Centro Galego de Arte Contemporánea.

Axenda

"Mise en Abyme", pinturas e acuarelas de Eduardo Batarda

Eduardo Batarda (Coímbra, 1943) é un dos artistas máis recoñecidos de Portugal e Mise en abyme a súa primeira exposición individual en España.

Do 11 de outubro ao 21 de xaneiro, no Centro Galego de Arte Contemporánea.

Axenda

"A intimidade da imaxe. Anna Turbau. Galicia 1975–1979"

Esta exposición peneira no arquivo fotográfico que Anna Turbau realizou entre 1975 e 1979 para presentar unha Galicia distinta a do discurso habitual.

Do 19 de outubro ao 10 de decembro, no Colexio de Fonseca.

Axenda

"Por fin Santiago!", os cadernos de viaxe de Alfredo

Cando a afección polos cadernos de viaxe e os movementos de ilustradores urbanos aínda non estaban de moda, Alfredo xa saía á rúa con papel e lapiseiros de cores para retratar as cidades.

Do 9 de novembro ao 31 de decembro, no Museo das Peregrinacións.

Axenda

Décimo Premio Auditorio de Galicia para Novos Artistas

A décima edición do premio Auditorio de Galicia reune os traballos de 37 artistas de diferentes disciplinas.

Do 27 de novembro ao 8 de abril, no Auditorio de Galicia.

Axenda

Exposición "O mundo nas mans. Cartografía escolar dos séculos XIX e XX"

Unha viaxe polos materiais didácticos e escolares relacionados coa cartografía e a xeografía escolar. Poderase sacar unha foto de "recordo escolar" cun mapa nas costas.

Do 15 de setembro ao 31 de decembro, no Museo Pedagóxico de Galicia.

Axenda

"Y", mostra de Álvaro Negro no CGAC

A exposición é unha mirada retrospectiva de Álvaro Negro ao seu traballo, incidindo nunha cuestión fundamental: o paulatino descubrimento dunha iconografía propia.

O 29 de setembro ao 4 de febreiro no Centro Galego de Arte Contemporánea.

Axenda

"Pasearte": arte contemporánea nos escaparates

Durante as festas de Nadal, a arte toma a rúa como espazo expositivo. As creacións, nas diferentes disciplinas, exhíbense nos escaparates de 85 locais da área comercial do Ensanche.

Ata o 5 de xaneiro, nas rúas do Ensanche.

Axenda

Belén familiar de Conxo

Como cada Nadal, o tradicional Belén de Conxo, que se organiza desde o ano 1946, abre as súas portas para que todos os composteláns e visitantes admiren a súa impoñente montaxe.

Ata o 7 de xaneiro, na casa da familia Otero (ruela de Torrente, 6).

Axenda

"Un cuarto propio", intervención artística na Zona C

Un cuarto propio é a primeira das intervencións seleccionada entre as propostas presentadas en creación en artes visuáis para a Zona "C" na modalidade de proxectos de comisariado.

Do 11 de outubro ao 10 de decembro, na Zona "C", en San Domingos de Bonaval.

Compartir: