Venres 27 de xaneiro 2017

Axenda

"Semente, 15 anos apoiando a arte emerxente"

Os comisarios Ángel Cerviño e Alberto González-Alegre revisan nunha exposición as nove edicións do Premio Auditorio de Galicia para novos artistas.

Do 11 de outubro ao 26 de febreiro, no Auditorio de Galicia.

Axenda

"Rostros", exposición de retratos realizados por Carlos Maside a personaxes contemporáneos seus

Baixo o título Rostros, o Consorcio de Santiago promove unha exposición de retratos realizados polo pintor Carlos Maside a personaxes contemporáneos seus, rostros que o artista recolleu durante os anos 20 e 30 do pasado século.

Ata mediados de marzo do 2017, na Casa do Cabido.

Axenda

"¡H2Oh! Os segredos da auga da túa cidade", exposición itinerante na Alameda compostelá

¡H2Oh! Os segredos da auga da túa cidade é unha mostra itinerante que pretende concienciar sobre o uso deste recurso tan prezado e, a súa vez, tan escaso. A exposición está promovida pola Obra Social "la Caixa" e Viaqua, coa colaboración do Concello de Santiago.

Do 17 de xaneiro ao 22 de febreiro, na Alameda.

Horario: de luns a venres, de 12:30 a 14:00 e de 17:00 a 21:00 horas.

Axenda

Mostra escultórica "Momentos sen tempo", de Antonio Souto

A obra de Antonio Souto desenvólvese fundamentalmente a partir da deformación dunha pel, envoltura, cáscara..., ou como dixo o poeta J.A. Valente "el vacío de todo lo nacido envolvente, materno cómo inmensa morada". A pel é ese territorio que nos conforma, e que debuxa o límite máis ou menos impreciso entre o que nos pasa por dentro e o que sucede fóra.

Do 12 de decembro ao 29 de xaneiro, no Centro Abanca Obra Social.

Axenda

Concerto da Real Filharmonía de Galicia

A Real Filharmonía de Galicia, dirixida neste concerto por Pierre Dumoussaud e coa participación á viola de Tasso Adamopoulos, interpreta Harold en Italia H68, de H. Berlioz, e a Sinfonía núm 4 en La maior op. 90 "Italiana", de F. Mendelssohn.

O venres 27 de xaneiro, ás 20:30 horas, no Auditorio de Galicia.

Axenda

"Goldi libre", de A Berberecheira, no Principal

Goldi libre é un traballo de teatro documento sobre o movemento de insubmisión, un dos primeiros e máis fortes movementos de desobediencia civil xurdidos despois da Transición en España, que levou a centos de mozos ao cárcere como presos de conciencia e que tivo como consecuencia inmediata a suspensión do servizo militar obrigatorio despois de máis de 150 anos de vixencia.

O venres 27 e o sábado 28, ás 20:30 horas, no Teatro Principal

Compartir: