Os avisos serven para dar a coñecer os comunicados de carácter urxente, licitacións abertas, rúas cortadas ao tráfico e desvíos alternativos.



MOBILIDADE

Corte de tráfico na rúa Franco coa rúa Fonseca, travesa do Franco, rúa Raiña e Praza de San Miguel dos Agros a partir do luns 10 de xaneiro

Dende o luns 10 de xaneiro e durante dúas semanas quedará cortado o tráfico na rúa do Franco (cortes puntuais), rúa Fonseca, travesa do Franco, rúa Raíña e Praza San Miguel dos Agros por mor das obras no pavimento para a implantación de cámaras de tráfico, dentro do proxecto SMARTiAGO. O paso peonil permitirase en todo momento.

O Concello de Santiago prega á cidadanía desculpe as molestias que estas alteracións lles poidan ocasionar.

MOBILIDADE

Corte de tráfico nas rúas Lagartos,Triacastela e Calzada de Santo Antonio

A partir do 13 de decembro de 2021 pecharanse ao tráfico as rúas de Lagartos, Triacastela e a Calzada de Santo Antonio, durante dúas semanas, para levar a cabo os traballos de canalización de fibra óptica. Permitirase o acceso aos garaxes.

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa de Curros Enríquez e na rúa das Barreiras

O luns 29 e o martes 30 de novembro de 8:30 a 19:00 horas pecharase ao tráfico a rúa de Curros Enríquez, entre a rúa de Gómez Ulla e a rúa de Neira de Mosquera, por mor das obras que se van levar a cabo no pavimento da parada de bus situada á altura do número 5. Os traballos consistirán na demolición do actual pavimento deteriorado de formigón e posterior execución de pavimento de semellantes características. As actuacións estarán supeditadas ás condicións meteorolóxicas.

Transporte urbano
As liñas 7 e C11 realizarán os desvíos que se indican, cada un dos días:

*Liña 7 (traxectos Aríns / Fornás - Valle Inclán): desde Curros Enríquez desviarase por Bernardo Barreiro, avda. de Lugo e rúa do Hórreo, retomando o seu itinerario habitual.

Queda suprimida para a liña 7 a parada 226, Curros Enríquez, á altura do número 5 da rúa.

*Liña C11 (circular Fontiñas): circulando pola avda. de Lugo, continuarán sen desviarse pola avenida, rúa do Hórreo, e retomarán o seu itineario por República do Salvador e Doutor Teixeiro.

Quedan suprimidas para a liña C11 as paradas: 130, Bernardo Barreiro; e 226, Curros Enríquez.

Corte na rúa das Barreiras
Para a execución do asfaltado da rúa das Barreiras, pecharase ao tráfico esta vía dende a rúa da Estrada ata a rotonda do campo de fútbol de Nosa Señora de Fátima do martes 30 de novembro ao xoves 2 de decembro.

O sentido de estendido da mezcla bituminosa será dende a rúa da Estrada cara á rotonda, deste modo non será preciso cortar o tráfico na propia glorieta, só o fluxo pola rúa das Barreiras. Os residentes con destino na rúa da Agra da Garrida poderán entrar pola rúa do Campo do Amo desde a rúa da Estrada. A planificación está supeditada ás condicións meteorolóxicas.

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Ampliación de horario no servizo de transporte público á Cidade da Cultura (sábado 27 e domingo 28 de novembro)

O servizo na liña 9 á CDC verá ampliado o seu horario con motivo da campaña de vacinación que se leva a cabo na instalación. Consulten os servizos de transporte:

*Liña 9. Horarios para o sábado 27 e domingo 28 de novembro.
Saídas de Casas Novas á Cidade da Cultura: de 8:30 a 21:30 (cada 60')

Saídas da Cidade da Cultura a Casas Novas: de 9:00 a 22:00 (cada 60')

MOBILIDADE

Servizos de reforzo no transporte urbano o domingo 28 de novembro de 2021

O domingo 28 de novembro, o servizo de transporte urbano verase reforzado na liña C11 no seguinte horario:

*Liña C11: reforzo en horario de mañá, con pasos cada 15-20 minutos entre as 10:00 e as 15:30.

As restantes liñas do transporte urbano terán o horario habitual de domingos e festivos.

MOBILIDADE

Corte de tráfico na Rúa Nova de Abaixo (sábado 27)

O vindeiro sábado 27 de novembro pecharase ao tráfico a Rúa Nova de Abaixo por mor da ocupación da vía pública cun guindastre para a realización dunha obra de carácter particular. A vía permanecerá cortada dende as 7:30 horas ata as 20:00 horas.

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Comprobación de tarxetas de aparcamento para residentes

Tras a autorización para a posta en marcha dos vehículos de control do estacionamento, que teñen por obxecto mellorar a ordenación e regulación do tráfico na cidade e garantir o cumprimento das normas relativas ao reparto equitativo das prazas de aparcamento, o Concello recomenda á cidadanía que, no caso de dispor dunha tarxeta de residente, comprobe se mantén as condicións recollidas na ordenanza establecida a tal efecto polas cales se lle otorgou o devandito documento.

MOBILIDADE

Desvío nas liñas C5 e C6 por corte de tráfico na rúa de Eslovenia, pol. Costa Vella (a partir do venres 19/11/2021)

Con motivo das obras que teñen lugar no polígono de Costa Vella, as liñas C5 e C6 desviaranse desde o venres 19 ata o luns 22 de novembro:

*As liñas C5 e C6, despois da parada de Castela e León (Mercadona), cambiarán de sentido e voltarán por Castela e León, rúa de Polonia e retomarán o percorrido habitual nesta rúa, realizando a espera de regulación na parada do recinto feiral de Amio.

Queda suprimida temporalmente a parada 212, rúa de Eslovenia (Decathlon).

O Concello prega á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico nas rúas de Fonseca e da Raíña para a instalación de fibra óptica

A partir do mércores 24 de novembro, e durante tres semanas, pecharanse á circulación as rúas de Fonseca e da Raíña para a execución de obras de canalización de fibra óptica. Permitirase o paso peonil.

O Concello de Santiago prega á cidadanía desculpe as molestias que estas alteracións lles poidan ocasionar.

MOBILIDADE

Servizos para asistir ao partido de baloncesto no multiusos Fontes do Sar (sábado 20/11/2021)

Servizos de transporte para asitir ao partido de Monbus Obradoiro o sábado 20 de novembro ás 18:00 no multiusos Fontes do Sar:

Haberá un servizo lanzadeira desde a rúa da Rosa ata o multiusos Fontes do Sar a partir das 16:30. O servizo comeza unha hora e media antes debido ás medidas COVID establecidas para a entrada ao recinto.

A liña C11 (circular de Fontiñas) accederá ao multiusos Fontes do Sar nas viaxes con paso aproximado por Xeneral Pardiñas ás 17:05, 17:15, 17:30 e 17:45. As paradas máis céntricas para coller esta liña sitúanse na rúa Xeneral Pardiñas, Praza de Galicia, rúa da Ensinanza e rúa Virxe da Cerca.

Ao remate do partido manterase o servizo lanzadeira con destino á rúa da Rosa.


Compartir: