Los avisos sirven para dar a conocer los comunicados de carácter urgente, licitaciones abiertas, calles cortadas al tráfico y desvíos alternativos.



MOBILIDADE

Corte de tráfico na rotonda da avda. de Lugo coa SC-20 (a partir do 29 de xaneiro)

A partir das 11:00 horas do vindeiro luns 29 de xaneiro, o ramal de baixada dende a rotonda da avenida de Lugo cara a SC-20, sentido San Lázaro-Polígonos, vai quedar cortado ao tráfico debido ás obras de instalación de pantallas acústicas que está a executar a empresa Dragados para ADIF e que teñen unha duración prevista de dous meses e medio.

Este corte vai implicar os seguintes desvíos:

Os vehículos que circulen baixando pola avenida de Lugo e queiran acceder á SC-20, deberán facelo pola rotonda desta avenida coa rúa de Londres, e circular por esta vía ata chegar á rúa de Roma, e alí enlazar coa rotonda existente nesta vía e incorporarse á SC-20.

Da mesma maneira os vehículos que circulen sentido subida pola avenida de Lugo, deberán empregar a mesma rotonda e baixar pola rúa de Londres e realizar o mesmo circuíto para incorporarse á SC-20.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na avenida da Coruña e avenida de Compostela (Campus Sur)

No marco do proxecto de reurbanización do Campus Sur, o vindeiro luns 15 de xaneiro comezarán as obras da seguinte fase, o que provocará o corte total ao tráfico da avenida da Coruña (tramo comprendido entre avenida das Ciencias e avenida Antonio Raimundo Ibáñez) e da avenida de Compostela (tramo comprendido entre as avenidas de Antonio Raimundo Ibáñez e das Burgas). Quedará eliminado tamén o estacionamento.

O corte será efectivo a partir das 9.30 horas do citado luns. O tráfico procedente da rúa de Rosalía de Castro será desviado pola avenida das Ciencias, e o procedente da avenida das Burgas continuará polo tramo aberto da avenida de Compostela e Cruceiro do Gaio.

Transporte urbano

Por mor destas obras, a liña 8 en sentido Camiño dos Vilares realizará o seguinte desvío:

A partir das 9:30 do luns 15 de xaneiro:
*Saídas de tanatorio de Boisaca / Camiño dos Vilares: non se alteran.

*Saídas de Vidán: os autobuses realizarán o percorrido habitual pola estrada de San Lourenzo e Campo de San Domingos ata o cruce coa rúa José María Suárez Núñez, onde realizarán a parada habitual e desviaranse pola citada rúa, rúa Vicente Fraíz Andión (facultade de Psicoloxía), rúa Lope Gómez de Marzoa, avda. Mestre Mateo, Rosalía de Castro e retomarán o seu itinerario na avda. Xoán Carlos I.

Quedarán suprimidas as seguintes paradas: (565) San Lourenzo, carballeira; (79) avda. das Burgas, instituto Xelmírez; (78) avda. da Coruña, cruce Feáns.

As persoas usuarias da parada 565 na carballeira terán como parada alternativa máis próxima a anterior parada da liña, no cruce coa rúa José María Suárez Núñez. Para as outras dúas paradas anuladas (avdas. Burgas e Coruña), a alternativa máis próxima é na avda. Xoán Carlos I, fronte á igrexa do Pilar.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Apertura parcial da rúa da Pastoriza

Dende as 10 horas de mañá, mércores 27 de decembro, abrirase á circulación o carril de subida da rúa da Pastoriza (de Santa Clara cara á praza da Paz).

O carril sentido praza da Paz-Santa Clara permancecerá pechado, polo que continuará o desvío actual por Xoán XXIII e avenida de Coimbra.

Transporte urbano

Veranse afectadas as seguintes liñas: 1, 4, 5, 6, 6A, 8, 9, C6, P1, P2, P4, P5, P6 e P7.

*Liñas circulando en sentido saída (norte) (SEN DESVIARSE DO PERCORRIDO HABITUAL):
Paradas suprimidas: Parada 367, Pastoriza nº 22
Paradas alternativas:
Liñas 1, 4, 5, 6, 6A, 8, 9, C6, P2, P4, P5, P6 e P7: non realizarán desvío, se ben a parada alternativa previa a Pastoriza será a parada 125, Basquiños nº 28

*Liñas circulando en sentido baixada (sur) (CONTINÚAN FACENDO O DESVÍO ACTUAL):
Paradas suprimidas: Parada 366, Pastoriza nº 103A
Paradas alternativas:
552, San Caetano (parque), para as liñas 1, 4, 6, 6A, P4, P5 e P6
50, Ánxel Casal (Xunta), para as liñas 5, P2 e P7
60, avda. Castelao (García Lorca) para a liña 8

*A liña P1 continuará rematando como ata agora na rúa Valle-Inclán en lugar de na pza. de Camilo Díaz Baliño.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa de Castrón Douro e parte da rúa do Sar (a partir do 6 de novembro)

A partir do luns 6 de novembro, o último tramo da rúa de Castrón Douro e parte da rúa de Sar sufrirán unha serie de restricións na circulación por mor das obras de acondicionamento da calzada, consistentes na eliminación da pedra existente e o seu posterior formigonado. A duración estimada para a realización desta obra é de 8 a 9 semanas.

O tráfico quedará afectado da seguinte maneira:

- Quedará cortado un carril da zona en obras, dando paso alternativo á circulación por medio da instalación de semáforos de obra.
- Estará prohibida a entrada á praza de Marcial Villamor desde o cruzamento con Castrón Douro, polo que os vehículos deberán entrar a través da rúa do Olvido. Para saír da praza de Marcial Villamor, os vehículos deberán facelo en dirección á rúa de Curros Enríquez, quedando prohibido o xiro cara á rúa de Sar.
- Os vehículos que baixen polo primeiro tramo da rúa Castrón Douro, cando cheguen ao cruzamento coa saída da praza Marcial Villamor, deberán xirar obrigatoriamente á dereita cara á rúa Curros Enriquez.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa do Penedo ( a partir do 6 de novembro)

A partir do luns 6 de novembro o camiño que une a rúa do Penedo co aparcadoiro situado baixo o viaduto do ferrocarril da Pontepedriña quedará pechado ao tráfico por mor da instalación de pantallas acústicas por parte de Adif, no marco do "Proxecto de Protección Acústica do Eixo Atlántico de Alta Velocidade. Tramo Padrón- A Coruña". A duración estimada dos traballos será de 4 semanas.

O corte será efectivo á altura do cruzamento das rúas do Penedo e Bermejo, polo que a única entrada ao aparcadoiro será dende a Pontepedriña, rúa do Río Arriba.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Cortes de tráfico debido ás obras na praza da Nosa Señora da Mercé de Conxo

Este xoves, 26 de outubro, darán comezo as obras de reurbanización da praza da Nosa Señora da Mercé de Conxo, situada ao final da avenida de Ferrol. A duración da obra está prevista para dous meses.

Os traballos implicarán o corte da circulación no sentido de baixada cara á rotonda de Conxo. Mantense a circulación de subida, polo que o transporte urbano non se verá afectado.

Haberá un corte no cruce da avenida de Ferrol coa rúa Xosé Pasín, por onde só poderán acceder os residentes e os servizos do último tramo da avenida.

O segundo corte da obra será na entrada da propia praza.

Os vehículos que saian da cidade cara a rotonda de Conxo baixando pola avenida de Ferrol, deberán desviarse pola rúa José Angel Valente ata a rúa Xosé Pasín, e desde esta acceder á rúa Sánchez Freire e desembocar na rotonda.

O Concello de Santiago de Compostela prégalle á cidadanía que desculpe as molestias que estas alteracións no tráfico lle poidan ocasionar.

MOBILIDADE

NOVA DATA para o corte de tráfico na rúa Pastoriza (a partir do 18 de setembro)

A partir do vindeiro luns, 18 de setembro, a rúa da Pastoriza quedará pechada ao tráfico durante aproximadamente 3 meses debido á execución das obras de urbanización e de adecuación das infraestruturas urbanas da vía. O obxectivo desta intervención é a mellora da mobilidade e accesibilidade do barrio da Almáciga na súa vertente oeste e nas súas zonas altas. En concreto, esta fase centrarase nesta arteria principal que se estende desde San Roque ata a praza da Paz, xa en Salgueiriños, e que conecta o barrio co resto da cidade.

Durante os tres meses estimados de duración dos traballos, os vehículos serán desviados cara ás rúas Xoán XXIII e Coímbra.

Transporte urbano

Por mor destas obras, as liñas que circulan pola zona terán que realizar desvíos a partir do 18 de setembro nos dous sentidos de circulación. En concreto, veranse afectadas as seguintes liñas: 1, 4, 5, 6, 6A, 8, 9, C6, P1, P2, P4, P5, P6 e P7.

Na páxina web de Tussa pódense consultar as paradas suprimidas e alternativas para cada liña.

O Concello de Santiago de Compostela prégalle á cidadanía que desculpe as molestias que estas alteracións no tráfico lle poidan ocasionar.

MOBILIDADE

Cortes de tráfico puntuais debido ás obras na praza de León a partir do 10 de xullo

A partir do vindeiro luns, 10 de xullo, darán comezo as obras de urbanización e humanización da praza de León no barrio da Pontepedriña coa que se levará a cabo a peonalización e mellora da accesibilidade da zona, incluíndo a instalación dun parque infantil e o redeseño da pavimentación e axardiñamento.

Durante os catro meses estimados de duración dos traballos, eliminarase unha das franxas dedicadas ao estacionamento da praza para habilitar un carril especial que permitirá o paso dos vehículos, polo que se manterá a circulación normalmente. Nas rúas da contorna da praza, produciranse cortes de tráfico puntuais durante a duración das obras.

Trátase dunha actuación vinculada a Estratexia de Desenvolvemento Urbano Sostible e Integrado de Santiago de Compostela (EDUSI - REVIVE COMPOSTELA). Encádrase dentro do Vector Estrátexico CI "Compostela Inclusiva", na Liña de Actuación nº 5: "Recuperación do espazo público e mellora do entorno".

O Concello de Santiago de Compostela prégalle á cidadanía que desculpe as molestias que estas alteracións no tráfico lle poidan ocasionar.

SERVIZOS BÁSICOS COMUNITARIOS

Horario de verán para a recollida de lixo na cidade histórica e cambio de emprazamento da illa de quita e pon da praza do Toural

Dende este xoves 6 de xullo varíase o horario de colocación das illas de quita e pon de recollida de lixo domiciliario e lixo miúdo de oficinas e comercio.

As illas comezarán a colocarse nos seus respectivos emprazamentos para estar dispoñibles para o depósito de residuos a partires das 20:00 h.

Por outra banda, dada a multitude de eventos previstos durante o verán trasládase temporalmente a illa de reciclaxe da praza do Toural á praza de Fuenterrabía.

Así pois, as illas estarán a disposición da veciñanza dende este xoves 6 de xullo e a partires das 20:00 horas nas seguintes localizacións:

1. Praza da Algalia de Abaixo
2. Rúa Salvador Parga
3. Rúa de Santo Agostiño - Ameas
4. Praza de Mazarelos
5. Praza de Cervantes
6. Praza de San Martiño Pinario
7. Praza de Praterías
8. Praza de Fuenterrabía
9. Travesa de Fonseca
10.Rúa Carretas

As illas de reciclaxe de quita e pon son espazos temporais para depositar os residuos procedente das vivendas e os residuos miúdos de oficinas e comercio, e que están en funcionamento en diversos puntos da zona vella cun amplo horario, que vai dende as 20:00 ás 23:30 horas.

Nesta franxa temporal, a veciñanza pode depositar separadamente as diferentes fraccións de residuos domiciliarios: papel e cartón, vidro, envases lixeiros, orgánica e resto.

MOBILIDADE

Servizo de transporte para o ciclo "Atardecer no Gaiás" na Cidade da Cultura

O acceso á Cidade da Cultura pódese realizar coa liña 9.

Para a volta tras a finalización dos concertos, a saída da liña C11 ás 22:33 do Camiño Francés fará prolongación saíndo da Cidade da Cultura ás 22:45 e continuando o seu percorrido habitual cara o centro.

Días:

-Mes de xullo de 2023: días 5, 6, 7, 13, 14, 20, 21, 27 e 28.
-Mes de agosto de 2023: días 3, 4, 10, 11, 17, 18, 24, 25 e 30.

Horarios e itinerario da liña na web de Tussa.


Compartir: